Ձեր վստահելի աղբյուրը

«Այս իրավիճակում Նիկոլ Փաշինյանը չպետք է լինի երկրի ղեկավարի պաշտոնում, չի կարող որևէ բանակցություն վարել որևէ երկրի, որևէ քաղաքական գործչի հետ, որևէ ֆորմատով: Նրա մեկ ժամ ավելի մնալը լուրջ վտանգ է սպառնում մեր երկրի անվտանգությանը»,-ԱԺ դիմաց լրագորղների հետ զրույցում ասաց ՀՀԿ անդամ Վահրամ Բաղդասարյանը:

Նա համոզված է, որ ՀՀ ԶՈՒ գլխավոր շտաբի պետ, գեներալ-գնդապետ Օնիկ Գասպարյանը և գլխավոր շտաբն սկզբունքային են, և չի կարծում, թե նրանք հետքայլ կանեն իրենց որոշումից։

«Դա արդեն լուրջ վտանգ կսպառնա, եթե բանակն անում է հայտարարություն և այդ հայտարարությունը փոխվում է», - ասաց նա՝ հավելելով, որ չի կարծում  իշխանություններին կհաջողվի հասնել Օնիկ Գասպարյանի հրաժարականին: 

Հարցին՝  ընդդիմության ներկայացուցիչները պատրաստվո՞ւմ են հանդիպում ունենալ Օնիկ Գասպարյանի հետ՝ քննարկելու անելիքները, Վ Բաղդասարյանը պատասխանեց. «Դրա անհրաժեշտությունն առայժմ ես չեմ տեսնում, որովհետև Օնիկ Գասպարյանը և շտաբն իրենց քայլը կատարել են, արդեն հանրությունը պետք է անի հետևություններ։ Եթե կլինի առաջարկություն Օնիկ Գասպարյանի կողմից, մենք պատրաստ ենք հանդիպման»։