Ձեր վստահելի աղբյուրը

2008 թ․-ի մարտի  մեկին զանգվածային անկարգություններ կազմակերպողը եղել է Նիկոլ Փաշինյանը։ Այս մասին Բաղրամյան պողոտայում «Հայրենիքի փրկության շարժման» հանրահավաքի ժամանակ հայտարարեց պաշտպանության նախկին նախարար Սեյրան Օհանյանը և անդրադարձավ Մարտի 1»-ի ոճրագործությանը։

«Այսօր մարտի 1-ն է։«Մարտի 1»-ի հիմնական ոճրագործը, զանգվածային անկարգություններ կազմակերպողը և  դրա համար դատված անձնավորությունը Նիկոլ Փաշինյանը, նորից հանրահավաք է կազմակերպում  և նորից փորձում է խեղաթյուրել,  մարդկանց մոլորության մեջ գցել, որովհետև  2008-ին նաև մենք՝ հայկական բանակը, արդեն զգում էինք, թե ուր են տանում, առաջնորդում մեր ժողովրդին, դեպի զանգվածային անկարգություններ»,-ասաց Օհանյանն ու հավելեց․

«Զանգվածային անգկարգությունների համար դատվածությունը նույնիսկ իրենց իշխանության օրոք պահպանվում է Նիկոլ Փաշինյանի վրա։ Զանգվածային անկարգություններ կազմակերպողը 2008 թ․-ի մարտի մեկին Նիկոլ Փաշինյանն է եղել։ Այսօր մեր ժողովրդին պարտության տանողը նորից Նիկոլ Փաշինյանն է»։

Նա նաև ընդգծեց, որ  այսօր հավաքվել են ՝ սատարելու բանակին։

«Մենք կանգնած ենք հայկական բանակի շարքում։ Շարքը լրացնելու ենք ցանկացած ժամանակահատված։ Այսօր փորձում են բանակի վրա ցեխ շպրտել։ Իմիջայլոց , հայակական բանակի հայտարարության մասով երկու հոգի են ասել, թե սա ռազմական հեղաշրջման փորձ է ՝ մեկը Նիկոլ Փաշինյանը, մյուսը ՝ Էրդողանը»,-նկատեց Օհանյանն ու շեշտեց, որ հայկական բանակը ճիշտ է արել։