Լավրովը Աբխազիայի արտգործնախարարի հետ կքննարկի Անդրկովկասում անվտանգության հարցերը
Ռուսաստանի արտգործնախարար Սերգեյ Լավրովը Մոսկվայում բանակցություններ կվարի Աբխազիայի իր գործընկեր Դաուր Կովեի հետ: Կովեի նախորդ այցը Ռուսաստանի մայրաքաղաք տեղի էր ունեցել 2019 թվականի ապրիլին: Այս մասին գրում է Tass-ը։
Ինչպես ավելի վաղ տեղեկացրել էր ՌԴ ԱԳՆ պաշտոնական ներկայացուցիչ Մարիա Զախարովան, կողմերը «կարծիքներ կփոխանակեն երկկողմ հարաբերությունների կարևոր հարցերի և միջազգային ասպարեզում արտաքին քաղաքականության համակարգման վերաբերյալ»: Դիվանագետը նշել է, որ «ռուս-աբխազական բարեկամական հարաբերությունները հիմնված են դաշինքի և ռազմավարական գործընկերության սկզբունքների վրա, ունեն ամուր իրավական հիմք և ենթակա չեն կոնյուկտուրայի»:
Նշվում է, որ կողմերը հատուկ ուշադրություն են դարձնելու Անդրկովկասի անվտանգության խնդիրներին: Ինչպես ավելի վաղ նշել էր ՌԴ Պաշտպանության նախարար Սերգեյ Շոյգուն, Ռուսաստանի Դաշնությունը Աբխազիային տրամադրում է համապարփակ օգնություն՝ պետականության զարգացման և ռազմական անվտանգության ապահովման գործում, ինչպես նաև գնահատում է հանրապետության գիծը ռազմական ոլորտում համագործակցության ընդլայնման գործում: Հանրապետության նախագահ Ասլան Բժանիան բազմիցս շեշտել է, որ Ռուսաստանի հետ ռազմատեխնիկական համագործակցությունը Աբխազիայի ղեկավարության գործունեության գերակա ոլորտներից մեկն է:
Մոսկվան և Սուխումը համատեղ կազմում են ընդհանուր պաշտպանական տարածք, որի կարևոր տարրերից մեկը Աբխազիայի տարածքում գտնվող ռուսական ռազմաբազան է, որը պաշտպանում է հանրապետության ինքնիշխանությունն ու անվտանգությունը:
Նախարարների կողմից անվտանգության հարցերի քննարկման կարևորությունը հիմնականում պայմանավորված է Անդրկովկասում ստեղծված ծանր իրավիճակով: Մասնավորապես, Մոսկվան բազմիցս նշել է Վրաստանում և տարածաշրջանում ԱՄՆ-ի և ՆԱՏՕ-ի ռազմական գործունեության կուտակումը: Աբխազիան իր հերթին պնդում է, որ անհրաժեշտ է ստորագրել Վրաստանի հետ ուժի չկիրառման մասին իրավաբանորեն պարտավորեցնող փաստաթուղթ:
Հիշեցնենք, որ նախորդ ամիս Աբխազիայի խորհրդարանը դիմել է Ռուսաստանի Պետդումային հայտարարությամբ, որ հանրապետությունը պատրաստ է հավասար պայմաններով մասնակցել Աբխազիայի տարածքով Ռուսաստանի և Հայաստանի միջև երկաթուղային հաղորդակցություն բացելու նախագծին։ Նշվում էր, որ ելնելով այն հանգամանքից, որ Լեռնային Ղարաբաղում պատերազմի ավարտից հետո տարածաշրջանի երկրները սկսել են քննարկել երկաթուղային կապի բացման հնարավորությունը, Աբխազիան չպետք է անտարբեր մնա:
Հարակից հրապարակումներ`
- Աբխազիայի ԱԽ քարտուղար․ Աբխազիայի տարածքով դեպի Հայաստան երկաթուղի բացելու հարցի շուրջ անհրաժեշտ է խոսել Վրաստանի հետ
- Աբխազիան Ռուսաստանին առաջարկել է իր տարածքով երկաթուղային կապ բացել Հայաստանի հետ
- Քաղաքագետ. Վրաստանում սկսել են քննարկել Աբխազիայի երկաթուղու բացման հնարավորությունը
- ՆԱՏՕ-ն Ռուսաստանին կոչ է անում դադարեցնել Հարավային Օսիայի և Աբխազիայի ճանաչումը
- Աբխազիան պետք է միջանցք բացի Լեռնային Ղարաբաղից տեղահանվածների համար. Ախրա Ավիձբա
- Յուրաքանչյուր էթնիկ հայ իրավունք ունի պաշտպանելու իր հայրենիքը․Աբխազիայից կամավորներն Արցախում են․Ախրա Ավիձբա
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
