Ձեր վստահելի աղբյուրը

ԲԴԽ նախագահ Ռուբեն Վարդազարյանի կինն այսօր հրավիրվել է Հատուկ քննչական ծառայություն։ Այդ մասին Վարդազարյանը հայտնել է 168.am-ի հետ զրույցում։

168.am–ը կապ է հաստատել ԲԴԽ նախագահ Ռուբեն Վարդազարյանի հետ՝ հընթացս ցանկանալով պարզել նաև, թե ինչո՞ւ նա այսօր Խորհրդարանում չէ, և արդյո՞ք կաշկանդվածություն ունի երեկվանից հետո:

168.am– Երկու օր Ազգային ժողովում էիք: Առիթը գիտենք, քննարկումներն էլ ուղիղ հեռարձակվում էին, և այն, ինչ տեսանք երեկ, խորհրդարանական երկրին ոչ վայել տեսարան էր: Ինչպիսի՞ն են այսօր Ձեր տպավորությունները պատգամավորների հետ երկու օր տևած, թույլ տվեք ասել, անհավասար, այսպես ասած՝ բոլորը՝ մեկի, մեկը՝ բոլորի դեմ առճակատումից հետո:

Ռուբեն Վարդազարյան– Իսկապես ծանր ժամեր էին, այո, ունեցա նաև նման զգացողություններ, որ իմ կյանքի ամենադժվար ու ծանրաբեռնված օրերն էին, սակայն երեկոյան տանը, կարծես թե, միայն ֆիզիկական հոգնածություն ունեի:

168.am– Այսօր ևս ԱԺ-ում կարծես թե շարունակվող քննարկման կիզակետում կրկին Դուք եք: Ունե՞ք ասելիք անցած երկու օրերի և այսօր շարունակվող քննարկումների վերաբերյալ: Ինչո՞ւ այսօր ԱԺ-ում չեք:

Ռուբեն Վարդազարյան– Չեմ հետևում, դրա ժամանակն այսօր չկա, այլ խնդիրներով եմ ծանրաբեռնված: Միայն ասեմ, որ առավոտյան կինս հրավիրվել է Հատուկ քննչական ծառայություն:

168.am– Ի՞նչ գործի կապակցությամբ:

Ռուբեն Վարդազարյան– Տեղյակ չեմ: Ինչպես ասացի, այսօր խիստ ծանրաբեռնված օրակարգ ունեմ, գուցե ավելի ուշ արդեն պարզ կլինի: Ներողություն, հիմա զբաղվածությունս մեծ է, մի ուրիշ առիթով կպատասխանեմ ձեր հարցերին:

Հրապարակումն ամբողջությամբ՝ սկզբնաղբյուր կայքում։