Ձեր վստահելի աղբյուրը

«Ընդդիմության պայքարի նպատակը պետականության բեկորների պահպանումն է։ Նիկոլի պայքարի նպատակը՝ սեփական իշխանության պահպանումն է։ Հենց այստեղ է ուրվագծվում մոտեցումների տարբերությունը՝ Նիկոլի համար կարևոր է ամեն ինչ քանդելը, ընդդիմության համար՝ կործանումից հնարավորինս շատ բան փրկելը»,-Տելեգրամ ալիքում գրել է Սուրբ Աթոռում ՀՀ նախկին դեսպան Միքայել Մինասյանը:

Ըստ նրա, դժբախտությունն այն է, որ պետական ինստիտուտները կործանումից փրկելով՝ մենք չենք կանխում կազմաքանդումը, այլ ընդամենը դանդաղեցնում ենք այն. «Եվ դա գիտակցելու համար մենք պարզապես պետք է համեմատենք, թե ինչ ենք ունեցել նոյեմբերի 10-ին, և ինչ ունենք հիմա»։

«Մենք բոլորս պետք է գիտակցենք, որ 2018-ին Նիկոլը հաջողություն է ունեցել, քանի որ չի ունեցել արգելակներ։ Նրան ոչինչ չէր սահմանափակում։ Կորուստները նրան չէին հուզում։ Նաև՝ նոյեմբերի 9-ից հետո ողջ ընթացքում Նիկոլն ամենաթույլն էր ընդամենը 10-ին, 11-ին և 12-ին, երբ նա ողնուղեղով զգում էր, որ մի քիչ էլ և իրեն կկախեն լապտերի սյանը։

Բողոքի ցույցում գտնվող մարդիկ պետք է հիշեն այդ մասին։ Դե, կամ էլ չմոռանան»,- գրել է նա