Ձեր վստահելի աղբյուրը

Ուկրաինացի դիվանագետներին վրդովեցրել է թուրքական հանգստավայրում կանգնեցված քանդակը, որի վրա առկա է Ռուսաստանի քարտեզը: Թուրքիայի արտաքին գործերի փոխնախարար Էմինե Ջապարովայի ֆեյսբուքյան էջում այդ մասին տարածած հաղորդագրությունը ներկայացրել է «ՌԻԱ նովոստի»-ն:

«Ալանիա քաղաքում միջազգային գեղարվեստական փառատոններից մեկի ժամանակ, Ռուսաստանի քաղաքացու հեղինակած քանդակներից մեկի վրա նրանք նկատեցին Ռուսաստանի քարտեզը՝ գրավյալ Ղրիմի հետ»,-գրել է նա:

Նրա խոսքով՝ Ուկրաինայի արտաքին գործերի նախարարությունն անմիջապես քայլեր  է ձեռնարկել: Մասնավորապես, Թուրքիայում այդ երկրի հյուպատոս Էմիր Ռուստամովն այցելել է Ալանիա և դիմել քաղաքապետ Ադեմ Մուրատ Յուդժելին, իր կարծիքով, սխալ քարտեզը հանելու պահանջով:

Ֆեյսբուքում Ջապարովայի հրապարակած լուսանկարից երևում է, որ քաղաքային իշխանությունները ջնջել են քարտեզը:

Մոսկվան բազմիցս շեշտել է, որ թերակղզին վերամիավորվել է Ռուսաստանին միջազգային իրավունքի լիակատար համապատասխանությամբ անցկացված հանրաքվեից հետո, որի ժամանակ տարածաշրջանի բնակիչների ճնշող մեծամասնությունը կողմ է քվեարկել ՌԴ-ին միանալուն: Վլադիմիր Պուտինի խոսքով՝ Ղրիմի հարցը վերջնականապես փակված է: