Ձեր վստահելի աղբյուրը

«Ժողովուրդ» թերթը գրում է.

«ՀՀ վարչապետի աշխատակազմը նոր նախագիծ է դրել հանրային քննարկման, որով առաջարկում են Պետական պահպանության ծառայությունն առանձնացնել Ազգային անվտանգության ծառայության մարմինների համակարգից և դրա հետագա գործունեությունը շարունակել՝ որպես պետական կառավարման համակարգի, այսինքն՝ վարչապետին ենթակա մարմին:

Նշենք, որ Պետական պահպանության ծառայությունն իրականացնում է պետական պահպանության օբյեկտների կառավարում, պետական պահպանության օբյեկտներին սպառնացող վտանգի կանխատեսում և բացահայտում և այլ գործառույթներ: Նախագծի հիմնավորման մեջ նշվում է, որ չնայած Պետական պահպանության ծառայությունը հանդիսանում է Ազգային անվտանգության ծառայության մարմին, սակայն հանդես է գալիս որպես որոշակիորեն ինքնուրույնությամբ օժտված միավոր, ավելին՝ ծառայության ղեկավարը նշանակվում և ազատվում է հանրապետության նախագահի կողմից՝ վարչապետի առաջարկությամբ, իսկ առաջին տեղակալը՝ վարչապետի կողմից՝ Ազգային անվտանգության ծառայության տնօրենի ներկայացմամբ:

Միևնույն ժամանակ, Պետական պահպանության ծառայության աշխատակիցները կունենան նույն լիազորությունները, ինչ այժմ ունեն՝ որպես ԱԱԾ աշխատակիցներ:

Հարկ է նշել՝ սա նշանակում է, որ վարչապետ Նիկոլ Փաշինյանը չի վստահում նաև այս ԱԱԾ տնօրենին, քանի որ իր անձնական պաշտպանությունը ՊՊԾ-ի միջոցով ԱԱԾ-ն էր իրականացնում։
Հիշեցնենք, որ երկու տարվա մեջ Նիկոլ Փաշինյանը հինգ ԱԱԾ տնօրեն է փոխել, անգամ նրանցից մեկին ազատեց արցախյան պատերազմի ընթացքում»։

Մանրամասները թերթի այսօրվա համարում