Ձեր վստահելի աղբյուրը

ԵՊԲՀ ռեկտոր Արմեն Մուրադյանը շնորհավորել է Մարտի 8-ի` կանանց տոնի առիթով.

«Ջերմորեն շնորհավորում եմ կանանց և աղջիկներին գարնանային մեկամսյա տոների մեկնարկի առթիվ:

Համավարակի և պատերազմի դժվարին ժամանակներում կանանց փխրուն ուսերին ընկավ ծանր պատասխանատվություն: Առաջնագծում և թիկունքում «սպիտակ բանակի» ներկայացուցիչները կատարեցին նվիրական աշխատանք՝ կորոնավիրուս ունեցող պացիենտներին բուժօգնության տրամադրումից մինչև վերքերի մշակում, շտապօգնության մեքենաներով վիրավորների տեղափոխումից մինչև վիրահատական միջամտություններ հնարավոր դարձան կանանց գործուն մասնակցությամբ:

Շատ կին բուժաշխատողներ շուրջ մեկ տարի աշխատեցին գերծանրաբեռնված աշխատանքային ռեժիմով՝ առանց սեփական տարածության և ժամանակի: Անքուն գիշերներն ուղղված էին կյանքերի փրկության և ապաքինման մարդասիրական առաքելությանը:

Չեմ կարող առանձնահատուկ չհիշատակել, ակնածանքի ու մեծարման խոսքեր չուղղել հայ մայրերին, որոնց որդիների առողջության ու կյանքի գնով պաշտպանվել է մեր հայրենիքը: Խոնարհվում եմ հերոսներ ծնած հայոց մայրերի առջև, որոնք դաստիարակում են մեր օրերիիրականհերոսների:

Հայ ընտանիքներում դարեր շարունակ հայ կնոջն է վերապահված կարևոր, պատասխանատու աշխատանքը, որը նրանք կատարում են պատվով ու մեծ նվիրվածությամբ: Թող ձերուժը կրկնապատկվի, անմար է ձեր որդիների կատարած սխրանքը»: