Ձեր վստահելի աղբյուրը

«Հանրապետության նախագահն ասել է, որ իր դիրքորոշման մասին սահմանված ժամկետներում կհայտնի։ Վաղը լրանում է ժամկետը»,- Բաղրամյան պողոտայում լրագրողների հետ զրույցում ասաց ՀՅԴ ԳՄ ներկայացուցիչ, Հայրենիքի փրկության շարժման համակարգող Իշխան Սաղաթելյանը։

Հիշեցնենք, որ Հայրենիքի փրկության շարժումը պահանջում է նախագահից դիմել ՍԴ ԶՈւ Գլխավոր շտաբի պետ Օնիկ Գասպարյանին պաշտոնից ազատելու վերաբերյալ Նիկոլ Փաշինյանի առաջարկության հարցոն։ 

Ի. Սաղաթելյանն ասաց, որ նախագահը  երկրում ստեղծված իրավիճակի հետ կապված ունի ամբողջական պատասխանատվություն, ստեղծված իրավիճակի հանգուցալուծման ելքերից մեկն այն է ու ճիշտ ելք, որպեսզի պահի Սահմանադրությունն ու դիմի ՍԴ։

«Մենք այդ ակնկալիքն ունենք  նախագահից»,- ասաց Իշխան Սաղաթելյանը։ 

Նա նշեց, որ վաղն, ըստ իրավիճակի, կորոշենք իրենց հետագա քայլերն ու կգնան այդ ուղղությամբ։

Ինչ վերաբերում է տարբեր քաղաքական ուժերի՝ Փաշինյանի հետ խորհրդակցություններին, Հայրենիքի փրկության շարժման համակագրողն ասաց, որ  իրենք միայն մեկ օրակարգ ունեն՝  Փաշինյանի պաշտոնանկությունը, այդ օրակարգով ցանկացած ժամանակ պատրաստ են հանդիպելու, խոսելու, իր հեռացման ճանապարհային քարտեզը քննարկելու։

Արտահերթ ընտրությունների՝ Փաշինյանի կոչերի մասին Ի. Սաղաթելյանը նշեց. «Եթե ուզում է... Նախ իմ կարծիքով չի ուզում, ընդամենը բլեֆ է՝ նկատի ունենալով, որ Հայրենիք փրկության շարժումը գտնվում է  իր վերելքի վրա, ուզում է շեղել բույն օրակարգն ու մեզ մտցնել անիմաստ քննարկման մեջ։  Եթե ինքն անկեղծ է, հենց հիմա թող գա ԱԺ, հրաժարական տա, նշանակեն արտահերթ ընտրություններ։ Ո՞ւմ է սպասում»:

Հարցին՝ խորհրդարանական մյուս ուժերը կարող են իրենց թեկնածուներին առաջադրել, նա նշեց. «Փաշինյանն ունի քաղաքական մեծամասնություն, չէ՞։ Ուրեմն ի՞նչ է նշանակում։ Փաշինյանը չունի մեծամասնություն, իր խորհրդարանական խմբակցությունը պարզապես գերի է իր ձեռքում։ Եթե ինքը կասկածում է, որ իր խորհրդարանական խմբակցությունը կգնա ու կքվեարկի մեկ այլ վարչապետի թեկնածուի, ուրեմն չունի մեծամասնություն։ Եթե քաղաքական մեծամասնություն էլ չունի ու այսքան մարդ, այսքան ինստիտուտներ, բուբ ժողովուրդն իր հրաժարականն է պահանջում, մնացել է ի՞նչ անի, ուրեմն թող հեռանա։ Եթե ընտրություն է ուզում, ԲՀԿ-ից ու «Լուսավոր Հայաստանից» կախված չէ, թղթի վրա ունի բավարար  ձայներ, թող հենց հիմա գա, հրաժարական տա, հակառակ դեպքում այս ամենը բլեֆ է բուն օրակարգից մեզ շեղելու համար»։

Ի. Սաղաթելյանն ընդգծեց, որ իրենք տրամաբանված, հետևողականորեն գնում են առաջ, վաղը, ըստ երկրում ստեղծված իրավիճակի, կպլանավորեն հաջորդ անելիքներն ու միասին կանեն։

«Ակնհայտ է, որ Բաղրամյան պողոտան  չի ազատվելու,  գործողություններում նահանջ չի լինելու, մեր ժողովրդի հետ հասել ենք մի կետի և հաղթանակը մոտ է»,- ասաց Հայրենիքի փրկության շարժամն համակագող Ի. Սաղաթելյանը։

Հիշեցնենք, որ ավելի վաղ Հայրենիքի փրկության շարժումը հայտնել էր՝ Բաղրամյան պողոտայից ժամը 16։00-ին ավտոբուսներով կշարժվեն դեպի ԵՌԱԲԼՈՒՐ՝ «մեր սգացող կանանց հետ միասին հանձնառու լինելու փրկել մեր Հերոսների Հայրենիքն ու արժանի լինել նրանց հիշատակին»։

Ուղիղ հեռարձակումը՝ news.am-ի