Ձեր վստահելի աղբյուրը

«Ամեն ինչ զինվորականների ձեռքում է: Կարևոր քայլ պետք է անի զինվորականությունը: Վճռական քայլ եմ ակնակալում զինվորականներից»,- Բաղրամյան պողոտայում Հայրենիքի փրկության շարժման հանրահավաքից առաջ լրագրողների հետ զրույցում ասաց մուլտիպլիկատոր Դավիթ Սահակյանցը:

Նրա կարծիքով, ունենալով Հայաստանի մեծ մասի աջակցությունը, հնարավոր կլինի հասնել վերջնանպատակին:

«Համոզված եմ՝ ինստիտուտներից մեկն է, որ ունի մեծ աջակցություն»,- ընդգծեց Սահակյանցը:

Նա նշեց, որ Հայրենիքի փրկության շարժմանը շատերը թրեահավատորեն են վերաբերում՝ տեսնելով ինչ-ինչ վտանգեր, ուղղորդվելով ինչ-ինչ մարդկանց չսիրելով, դրա համար չեն միանում այս ընդհանուր շարժմանը: Միաժամանակ նշեց, որ բոլորի աջակցությունը անհրաժեշտ է հաջողության հասնելու համար:

Դ. Սահակյանցը նշեց, որ Փաշինյանի համար ոչ մի ինստիտուտ գոյություն չունի:

«Այս քանի տարվա մեջ իրան  ճանաչելով՝ վճռական քայլերն իրեն բերում են ոչ ավելի ադեկվատ վիճակի, ինչից էլ ավելի մեծ սխալներ է սկսում գործել»,- ասաց Դ. Սահակյանցը:

Նա նշեց, որ Փաշինյանը հրաժարական չի տալիս վախի պատճառով, ինչի համար պետք է պատասխան տա ու պարտադիր պետք է պատասխան տա: