Ձեր վստահելի աղբյուրը

Մարտի 5-ից 8-ը Իրաք կատարած պատմական այցի ընթացքում Հռոմի պապ Ֆրանցիսկոսն այցելել է նաև Մոսուլի հայկական ու սիրիական ուղղափառ ավերված եկեղեցիներ։ Այս մասին գրել ու նկարներ է հրապարակել Crux կայքի թղթակից Ինես Սան Մարտանը, որն ուղեկցում էր պապին։

Իսլամական պետության գրոհայինների կողմից ավերված եկեղեցիների փլատակների և ռմբակոծված մնացորդների ֆոնին, Հռոմի պապ Ֆրանցիսկոսը հարգանքի տուրք է մատուցել իրաքցի քրիստոնյաներին։

Բայց մարտի 7-ին այցելելով Իրաքի հյուսիսում գտնվող Մոսուլ և Քարաքոշ՝ նա նաև հորդորել էր քրիստոնյաներին հարգել զոհվածների զոհաբերությունը՝ խթանելով խաղաղությունն ու հաշտեցումը:

«Մոսուլի հին քաղաքի կենտրոնի մեծ մասը մնում է ավերակների մեջ կամ վերակառուցվում է: Եվ Հռոմի պապ Ֆրանցիսկոսը կանգնած էր Հոշ ալ-Բիեա քաղաքում, եկեղեցու հրապարակում, կանգնած այդ ավերակների մի մասի առջև՝ սիրիական կաթոլիկ, հայ ուղղափառ, սիրիական ուղղափառ և քաղդեացի կաթոլիկ եկեղեցիների մնացորդների, որոնք ավերվել են 2014-ից 2017 թվականներին»,-գրում է Catholic Philly-ն։

Պապի ուղերձներն էին․

«Եթե Աստված կյանքի Աստված է, քանի որ նա այդպես է, ապա սխալ է, որ մենք մեր եղբայրներին ու քույրերին սպանենք նրա անունով»:
«Եթե Աստված խաղաղության Աստված է, քանի որ նա այդպես է, ապա սխալ է, որ մենք պատերազմենք նրա անունով»:
«Եթե Աստված սիրո Աստված է, քանի որ նա այդպես է, ապա մեզ համար սխալ է ատել մեր եղբայրներին և քույրերին»:
 

Before leaving #Mosul, Pope Francis made a private visit to the destroyed Syriac Orthodox and the Armenian churches.
Pics from @HolySeePress #PopeInIraq pic.twitter.com/ijcOFJAxVj

— Ines San Martin (@inesanma) March 7, 2021