Ձեր վստահելի աղբյուրը

«Եթե հաշված ժամերի ընթացքում Օնիկ Գասպարյանը լքեց իր դիրքերն, ուրեմն այլևս որևէ մեկին չի հետաքրքրում, թե նա ինչ կարծիք ունի»,-«Հայելի» մամուլի ակումբուն ասաց Ռեֆորմիստների կուսակցության ղեկավար Վահան Բաբայանը, անդրադառնալով ԳՇ պետի վերջին հայտարարությանը, ըստ որի՝ նա դիմելու է վարչական դատարան, քանի որ հակասահմանադրական է համարում իրեն աշխատանքից հեռացնելը։

Նրա խոսքով՝ եթե Օնիկ Գասպարյանը բարձրագույն զինվորական պաշտոնի է նշանակված և իրեն հակասահմանադրորեն հեռացրել են, ապա ինչպե՞ս նա կարող է դեռ հույս ունենալ, որ կկարողանա իրա սհամանադրական իրավունքը պաշտպանել այս երկրում:

Նրա խոսքով, այսօր Բաղրամյան պողոտայում հավաքված հասարակության ակտիվ հատվածը սպասում է Օնիկ Գասպարյանին և պարզվում է, որ նա գործելու է այլ կարգավիճակում:

Բանախոսը չի կարողանում պատկերացնել, թե ի՞նչ է նշանակում ԳՇ պետի հայտարարությունը, արդյո՞ք նա ընդունում է Նիկոլ Փաշինյանի որոշումը և լքում է իր աշխատասենակը:

Վահան Բաբայանը գտնում է, որ Գասպարյանի հայտարարությունը նշանակում է ջարդել մարդկանց հույսի ողնաշարը և Դավիթ Տոնոյանի, կամ Զոհրաբ Մնացականյանի նման անհետանալ դաշտից:

Բաբայանը գտնում է, որ վարչական դատարան դիմելը նշանակում է սպասել, թե 6 ամիս հետո ինչ որոշում կկայացվի, իսկ այդ ընթացքում Հայաստանը շատ բան կկորցին:

Ռեֆորմիստների առաջնորդի խոսքով՝ Օնիկ Գասպարյանի վերջին որոշումը բերելու լուրջ քաղքական կոլապսի և հավատի ու հույսի դեֆիցիտի: