Ձեր վստահելի աղբյուրը

Անցյալ շաբաթ կորոնավիրուսի դեպքերի թիվը 2%-ով գերազանցել է նախորդող յոթ օրվա տվյալները, իսկ մահացությունների թիվը նվազել է 6%-ով: ՏԱՍՍ-ը հայտնում է, որ այդ տեղեկատվությունը ներկայացված է Առողջապահության համաշխարհային կազմակերպության (ԱՀԿ) շաբաթական համաճարակաբանական տեղեկագրում, որը լույս է տեսել չորեքշաբթի երեկոյան Ժնևում:

«Անցյալ շաբաթ հաղորդվել է ավելի քան 2,7 միլիոն նոր վարակի մասին, ինչը դրան նախորդած շաբաթվա համեմատ աճել է 2%-ով»,- հայտնում են կազմակերպությունից:

«Համաշխարհային մասշտաբով երկրների մոտ կեսում նոր դեպքերի քանակը նվազել է, իսկ մյուս կեսում աճ է գրանցվել»,- հայտնել են ԱՀԿ-ից: Համաճարակաբանական տեղեկագրի համաձայն՝ մարտի 1-ից մարտի 7-ը աշխարհում գրանցվել է 2,734,381 վարակված և 60323 մահ: Մարտի 7-ի դրությամբ գրանցվել է 116,166,652 վարակման դեպք և 2,582,528 մահ:

Վերջին շաբաթվա ընթացքում դեպքերի աճը հատկապես նկատելի էր Աֆրիկայում (10%-ով) և Արևելյան Միջերկրականում (10%-ով), ինչպես նաև Եվրոպայում (4%-ով): Արևելյան Միջերկրական ծովում մահացությունն աճել է (9%-ով), սակայն մնացած բոլոր տարածաշրջաններում անկում է ապրել:

Ամերիկայում յոթ օրվա ընթացքում վարակվել է ավելի քան 1,1 միլիոն մարդ և մահացել է ավելի քան 32 հազարը: Եվրոպայում գրանցվել է ավելի քան 1,1 միլիոն վարակման նոր դեպք և ավելի քան 20 հազար մահ: Արևելյան Միջերկրական ծովում բժիշկները հայտնաբերել են ավելի քան 228 հազար վարակված, ավելի քան 2,7 հազար մարդ մահացել է:

Միացյալ Նահանգներում մեկ շաբաթվա ընթացքում վարակվածների թիվն ավելացել է ավելի քան 427 հազարով: Դրան հաջորդում են Բրազիլիան (ավելի քան 413 հազար նոր դեպք), Ֆրանսիան (ավելի քան 143 հազար), Իտալիան (ավելի քան 138 հազար), Հնդկաստանը (ավելի քան 115 հազար), Լեհաստանը (ավելի քան 87 հազար), Չեխիան (ավելի քան 85 հազար), Ռուսաստանը (ավելի քան 76 հազար), Թուրքիան (ավելի քան 76 հազար), Իրանը (ավելի քան 58 հազար):