Ձեր վստահելի աղբյուրը

«Չեմ մեկնաբանելու Նիկոլ Փաշինյանի ու նրա թիմի ներկայացուցիչների քայլերն ու հայտարարությունները, քանի որ նրանք քաղաքական կենդանիներ չեն, դիրքային պայքար են մղում՝ ելնելով իրենց նեղ շահերից»։  «Երկրի հարցը» հաղորդմանը տված հարցազրույցում հայտարարել է ՀՀ նախագահի աշխատակազմի «Հանրային կապերի և տեղեկատվության» ՊՈԱԿ-ի նախկին տնօրեն, ԱԺ աշխատակազմի նախկին գլխավոր քարտուղար Արա Սաղաթելյանը՝ անդրադառնալով  ԶՈՒ ԳՇ պետ Օնիկ Գասպարյանի քայլերի ու դրան հաջորդած հայտարարությունների, արձագանքների վերաբերյալ հարցին։

Սաղաթելյանն առաջարկել է իրավիճակը դիտարկել կողքից։Նա ընդգծել է՝ չի մեկնաբանելու Նիկոլ Փաշինյանի ու նրա թիմի ներկայացուցիչների քայլերն ու հայտարարությունները, քանի որ «նրանք քաղաքական կենդանիներ չեն, դիրքային պայքար են մղում՝ ելնելով իրենց նեղ շահերից»։

Սաղաթելյանն առաջարկել է իրավիճակը դիտարկել կողքից։

«Ժողովուրդն ուզում էր իմանալ, թե որտեղ է բանակը։ Ժողովուրդը միանշանակ ֆիքսեց, որ բանակը  Նիկոլ Փաշինյանի հետ չէ։ Հանրային ցասումը՝ ընդդիմության ու հասարակության, տեղի էր ունենում թե մինչև գլխավոր շտաբի  հայտարարությունը, թե  հայտարարության ժամանակ, թե  դրանից հետո։ Միանշանակ է, որ սահմանադրության համապատասխան կարգավորումը ենթադրում է, որ վարչապետները կարող են փոփոխվել շատ հաճախ․ իսկ ԳՇ պետը պետք է պաշտոնավարի առնվազն հինգ տարի։ Իրավական տեսանկյունից Նիկոլ Փաշինյանը որևէ ազդեցություն չունի գլխավոր շտաբի պետի պաշտոնավարման վրա, բացի նշանակումից։ Գլխավոր շտաբի պետի հետկանչի մեխանիզմ մեր օրենսդրությամբ նախատեսված չէ, այլ բան, որ իրավական պրոցեսներն այլևս այս երկրի համար չեն։ Հայաստանի Հանրապետությունն այլևս և հիմա իրավական պետություն չէ, և դա պետք է ֆիքսեն մեր միջազգային գործընկերները»,-ասել է ԱԺ աշխատակազմի նախկին ղեկավարը՝ ընդգծելով, որ եթե ուշադիր հետևենք ԳՇ նախկին պետերի աշխատանքից ազատվելու հանգամանքներին, ապա կտեսնենք, որ նրանց չեն հեռացրել, նրանք ազատվել են աշխատանքից անձնական կամքի արտահայտման արդյունքում։

Անդրադառնալով ԶՈՒ ԳՇ պետի ազատման, ՍԴ դիմելու վերաբերյալ հանրապետության նախագահի դիրքորոշմանը, նրա հայտարարություններին, Արա Սաղաթելյանն ասել է, որ ձգտում է Արմեն Սարգսյանի մասին խոսելիս զուսպ լինել։

«Խոսքեր, իհարկե, կան, բայց դրանք եթերային չեն։ Արմեն Սարգսյանն իմ աչքում նվազեցրեց իր ազդեցությունն այն պահին, երբ հարձակվեցին Ազգային ժողովի վրա, և ոչ մի ծպտուն նախագահականից ես չլսեցի։ Իմ կարծիքով, ես սահմանդրագետ չեմ,  այս պարագայում էլ Արմեն Սարգսյանը իմիտացնում է մի գործողություն, որը կարող էր և չիմիտացնել։ Այսինքն, ինտերշում է ստեղծում, որի մասին որևէ մեկը չի խնդրել»,-նշել է նա։

Պատասխանելով  ֆեյսբուքյան ֆեյք օգտատեր Գագիկ Սողոմոնյանի հետ կապված իր դեմ ԱԱԾ կողմից հարուցված  քրեական գործի վերաբերյալ հարցին, Սաղաթելյանը մանրամասնել է՝ դատարանը որևէ հիմնավոր կասկած չի գտել, ավելին, ինքը դատարանում իմացել է, որ այդ ֆեյք էջը ստեղծվել է 2018 թվականի հունիսին, իսկ ինքը VPN-ին միացել է անցած տարի։
«Ի դեպ, մեր հասարակության մեջ կա մոլորություն, որ VPN-ը թաքնվելու գործիք է, բայց ես արդեն բացատրել եմ, որ այն անվտանգության խնդիր լուծող ու տեղակատվական աշխարհը բացող գործիք է»,-ասել է Սաղաթելյանը։

Նա ընդգծել է՝ ինչո՞ւ չեն փակում այդ ֆեյքը, թողել են այն զարգանա։

«Սրանք ինձ հիմք են տալիս ենթադրելու, որ այդ ֆեյքը պատկանում է իշխանական խմբերից որևէ մեկին։ Իսկ իշխանության մեջ կան խմբեր, որոնք ունեն տարբեր շահեր»,-ընդգծել է նա՝ չբացառելով, որ արտահոսքն արվում է այդ խմբերից մեկի կողմից իրենց միջև առկա տարաձայնությունների կամ այլ խնդիրների պատճառով։

Հարցազրույցն ամբողջությամբ՝ տեսանյութում։