Ձեր վստահելի աղբյուրը

Սիրիացիները նշում են 10 տարին, երբ 2011 թ. մարտին բռնկվեցին նախագահ Բաշար Ասադի կառավարության դեմ անցկացվող խաղաղ բողոքները, որն արագորեն վերածվեց համընդհանուր քաղաքացիական պատերազմի:

Չնայած տասնամյա մարտերին և կոտրված երկրին՝ Ասադը շարունակում է մնալ իշխանության՝ Իրանի և Ռուսաստանի ռազմական աջակցության շնորհիվ: Այս մասին գրում է Al Jazeera-ն։

Տասնամյա պատերազմն ավերածություններ է պատճառել Սիրիային: Գրեթե կես միլիոն մարդ է զոհվել, և նախապատերազմյան 23 միլիոն բնակչության կեսից ավելին տեղահանվել է, այդ թվում` ավելի քան 5 միլիոն մարդ, ովքեր փախստական են, հիմնականում հարևան երկրներում:

Միլիոնավոր մարդիկ ավելի խորն են մղընկղմվել աղքատության մեջ։ Մերձավոր Արևելքի այս երկիրը տնտեսապես ավերված է և շարունակում է մնալ մասնատված:

Զինված խմբերը գերիշխում են հյուսիսարևմտյան Իդլիբ նահանգում, Թուրքիայի աջակցությամբ ապստամբները վերահսկում են տարածքները Թուրքիայի սահմանի երկայնքով:

ԱՄՆ-ի աջակցությամբ սիրիական քրդական ուժերը երկրի հյուսիս-արևելքում պահում են երկրի քառորդ մասը, մինչ Ասադը վերահսկում է մնացած մասը:

Հակամարտության մեծ մասի ընթացքում Ասադը կարողացավ պաշտպանել կառավարության կողմից վերահսկվող տարածքում գտնվող սիրիացիներին անտանելի տնտեսական ցավերից:

Այժմ նա վճռական առավելություն է ձեռք բերել Ռուսաստանի և Իրանի օգնությամբ․ իր հսկողության տակ գտնվող տարածքներում իր ուժերի վերահսկողությունը կասկածի տակ չի դրվում, և ապստամբությունը հիմնականում ջախջախված է:

Բայց տնտեսությունը քայքայվել է զարմանալի արագությամբ: Դրան հարվածեց անցյալ տարի սահմանված ԱՄՆ նոր պատժամիջոցները, և Լիբանանում  տնտեսական ճգնաժամը, որը Սիրիայի հիմնական կապն է արտաքին աշխարհի հետ։ Այս ամենին գումարվեց կորոնավիրուսի համաճարակը։

ՄԱԿ-ը հայտնում է, որ սիրիացիների ավելի քան 80 տոկոսն այժմ ապրում է աղքատության մեջ, իսկ 60 տոկոսը սովի վտանգի տակ է: Արժույթը խորտակվել է, այժմ սև շուկայում մեկ դոլարն արժե 4000 սիրիական ֆունտ ստերլինգ, համեմատած մեկ տարի առաջվա 700-ի, իսկ 2011-ին՝ հակամարտության սկզբում 47-ի հետ: