Ձեր վստահելի աղբյուրը

ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանն, անդրադառնալով ԲՏԱ նախարար Հակոբ Արշակյանի կողմից լրագրողի վրա բռնություն գործադրելուն, գրել է.

«Երբ իշխանությունը բեսպրեդել «գողական» է դառնում։

Քիչ առաջ նախարար Հակոբ Արշակյանը հարձակվել է լրագրող Փայլակ Ֆահրադյանի վրա։
Դիմել եմ ոստիկանություն։

Արշակյանը հենց այս պահին հրաժարական պիտի ներկայացնի»։

Նույն դեպքին անդրադարձել է նաև ԱԺ «Լուսավոր Հայաստան» խմբակցության պատգամավոր Անի Սամսոնյանը։

Նա ֆեյսբուքյան իր էջում գրել է.

«Լրագրող Փայլակ Ֆահրադյանը հայտարարել է, որ Բարձր տեխնոլոգիական արդյունաբերության նախարար Հակոբ Արշակյանը հարձակվել է իր վրա, հասցրել մարմնական վնասվածքներ և գույքային վնասներ։ Դեպքի հանգամանքերը իրավապահ մարմինները կպարզեն։

Վերջին ժամանակներում ներքաղաքական լարվածության հետ պայմանավորված հաճախակի են դարձել նաև լրագրողների նկատմամբ հարձակումները թե՛ քաղաքացիների և թե՛ հանրային պաշտոն զբաղեցնող անձանց կողմից։ Եթե առաջին դեպքում գործ ունենք ցածր իրավագիտակցության և համընդհանուր սևուսպիտակի ատելության գեներացման հետևանքների հետ, ապա երկրորդ դեպքում՝ լրագրողների նկատմամբ գիտակցված անհանդուրժողականության հետ։

Հանրային և քաղաքական գործիչները, պաշտոնյաները այս հարցում կրում են ավելի բարձր պատասխանատվություն և պետք է լինեն ավելի զսպված և համագործակցային։ Նրանք պետք է գիտակցեն, որ մշտապես հասարակության ուշադրության և հետաքրքրասիրության կենտրոնում են և իրենց անձնական կյանքի անձեռնմխելիության իրավունքը ևս սահմանափակված է։

Հարգելի՛ պաշտոնյաներ, ցուցաբերեք հանգստություն և հանդուրժողականություն»։

ՀՀ արդարադատության նախարար Արփինե Հովհաննիսյանն էլ գրել է.

«Մարդասպանների իշխանության սանձարձակությունը նոր հորիզոններ է նվաճում: ԲՏԱ նախարար հակոբ արշակյանը հարձակվել է լրագրող Փայլակ Ֆահրադյանի վրա,վնասել իրեն ու գույքը:

Սրանք որևէ կարմիր գիծ չունեն, սրանց համար մարդը զրո արժեք ունի: Այլապես հազարավոր զոհերից հետո, գետնի տակը կանցնեին բառի բուն ու փոխաբերական իմաստով ու չէին հարձակվի մարդկանց վրա: Կոչեր չեմ անում, ակնկալիքներ չունեմ առանձնյակների այնպիսի փնջից, որոնցից մեկը հարձակվում է լրագրողի վրա, մյուսը հազարավոր երեխեքի ցեղասպանություն է կազմակերպում, որ ինքն ու կինը շարունակեն քարշ գալ երկրագնդի վրա, երրորդը, իրավաբանությունից զրո գիտելիք ունենալով, հարձակվում է դատավորի վրա ու ակԾիվիստին բնորոշ ապուշություններ դուրս տալիս, չորրորդը գերիների թեման է շահարկում և այլն և այլն:
Սրանց հեռացումը այլընտրանք չունի, եթե ուզում ենք պետություն ունենալ, չխելագարվել, չամաչել սերունդներից ու ուղղակի մեր գործն անել:

Հ.Գ. Արտահերթի կապակցությամբ առաջին հերթին շնորհավորում եմ ուսապարկերի համույթին: Ամենալավատեսական սցենարով անգամ նրանց կեսը այլևս պատգամավոր չի լինելու: Ծառայեք էլ ավելի ջերմեռանդ»։

Ռազմական փորձագետ Կարեն Վրթանեսյանն էլ, անդրադառնալով միջադեպին նկատել է.

«Սորոսական մի ծայրիկ մտնում է պետական հիմնարկ մարդ է ծեծել տալիս, մյուս իշխանական ծայրիկը՝ նախարարի պաշտոնով, հանրային վայրում լրագրողի վրա է հարձակվում, առանց կաշկանդվելու։

Մեկ այլ ծայրիկ էլ գնում է իր հայրենակիցներին կոտորած թշնամի երկրի ղեկավարի ոռը լզում։
Ոչ ոք չի պատժվում։

#ծայրիշխանություն»։