Ձեր վստահելի աղբյուրը

ԱՄՆ-ն իր ներքին քաղաքականության մեջ հասել է գաղափարական փակուղու, քանի որ ներքին խնդիրների վրա կենտրոնանալու փոխարեն, իր ամբողջ գործունեությունը դրել է հակառուսական քարտի վրա, փոխանցում է «ՏԱՍՍ»-ը՝ վկայակոչելով Ռուսաստանի արտգործնախարարության պաշտոնական ներկայացուցիչ Մարիա Զախարովայի խոսքը։

«Ինձ թվում է, որ դա ԱՄՆ-ի գաղափարական փակուղին է, ես նկատի ունեմ նրա ներքին քաղաքականությունը: Նրանք լրացուցիչ այլընտրանքային խաղադրույքներ չեն կատարել, ամեն ինչ դրել են հակառուսական քարտի վրա։

«Կարող եք ցանկացած քայլ ձեռնարկել, բայց եթե փակուղի լինի, նախ պետք է դուրս գալ դրանից, ապա կատարել գեղեցիկ, ուժեղ, վճռական քայլեր: Հիմա ամեն ինչ դրան է ուղղված», - ասել է նա` նշելով, որ ռուս-ամերիկյան հարաբերությունները փակուղի են մտել:

Զախարովան կարծում է, որ Ռուսաստանի և ԱՄՆ-ի միջև հարաբերությունները պետք է խորապես վերլուծվեն միջգերատեսչական մակարդակում։

«Անհրաժեշտ է խորապես վերլուծել ռուս-ամերիկյան հարաբերությունների վիճակը միջգերատեսչական մակարդակում` հաշվի առնելով գիտելիքները, որոնք ունի Վաշինգտոնում մեր դեսպանը»,- ասել է նա:

Զախարովան նշել է, որ ԱՄՆ նախագահ Ջո Բայդենի հայտարարություններից հետո Ռուսաստանի Դաշնության դեսպանին Մոսկվայում խորհրդակցության հրավիրելը դիվանագիտական ժեստ չէ, դա արվել է երկկողմ հարաբերությունների վերլուծության համար: