Ձեր վստահելի աղբյուրը

Իրանի նախագահական ընտրությունները կկայանան 2021թ. հունիսի 18-ին: Մինչև հիմա շրջանառվում են մի քանի բարձրաստիճան զինվորականների անուններ, որոնցից ամենակարևորը և աչքի ընկնողը Իրանի նախկին պաշտպանության նախարար և Իրանի Իսլամական Հանրապետության հոգևոր առաջնորդի ներկայիս ռազմական խորհրդականի՝ գեներալ Հոսսեին Դեհղանի անունն է, հաջորդը՝ գեներալ Սաիդ Մոհհամադի: Այս մասին գրում է «Հայաստան-Իրան» ռազմավարական համագործակցության զարգացման կենտրոն» հիմնադրամի հիմնադիր տնօրեն Փույա Հոսսեյնին։

«Մոտակա տարիների աշխարհագրական, տարածաշրջանային և միջազգային մարտահրավերներին դիմադրելու համար, Իրանի դեմ արտաքին ռազմական միջամտություններին և տնտեսական պատժամիջոցներին դիմակայելու համար՝ Իրանի ժողովուրդը հնարավոր է ընտրի Իրանի Իսլամական Հեղափոխության Պահապանների Կորպուսի գեներալներից մեկին, որն ունի ռազմական փորձառություն և միջազգային պատժամիջոցների դեմ տնտեսական - դիմադրողական կառավարման մեծ փորձ:

Իսլամական Հեղափոխության Պահապանների Կորպուսի 52-ամյա գեներալ Սաիդ Մոհամմադը, ով 2018թ.-ից մինչև 2021թ-ի մարտի 7-ը հանդիսանում էր «Խաթամ ալ-Անբիյա» ինժեներական-շինարարական շտաբ-կաբինետի հրամանատարը, և ս.թ. մարտի 7-ին զբաղեցրած պաշտոնից իր հրաժարակաից հետո՝ ԻԻՀ նախագահական ընտրությունների թեկնածուների շարքում է:

Գեներալ Սաիդ Մոհամմադը ծնվել է 1968 թ.-ին, Թեհրանում, ԻՀՊԿ -ին անդամագրվել է տասնինը տարեկան հասակում, 1988 թ.-ին՝ Իրան - Իրաքյան պատերազմի ավարտից մեկ տարի առաջ: Գեներալ Սաիդ Մոհամմադը, բացի ռազմական փորձառությունը, աչքի է ընկնում ակադեմիական ձեռքբերումների ու մեգա-պրոեկտների կառավարման մեծ հմտությամբ: Նա Քաղաքաշինության գիտությունների դոկտորի թեկնածություն է ստացել Թարբիաթ Մոդարեսի համալսարանում՝ 2009 թ.-ին:

2007-ից մինչև 2014 թթ.-ը նա զբաղեցրել է « Սեպասադ Գրուպ» ընկերության գլխավոր տնօրենի պաշտոնը. ԻՀՊԿ -ի ենթակառույց հանդիսացող կարևոր ինժեներական կառույց, որը հայտնի է Իրանում ամբարտակների ու կարևոր պետական ենթակառույցների կառուցման իր նախագծերով:
«Խաթամ ալ-Անբիյա» -ն առավել ճանաչված է նրանով, որ մեծ ներգրավվածություն ունի Իրանի տնտեսության տարբեր ոլորտներում, հատկապես՝ էներգետիկայի և ենթակառուցվածքների ոլորտներում:

Գեներալ Սաիդ Մոհամմադը ԻՀՊԿ-ի ապարատից նոր ծագող աստղ է: Այս առումով, Wall Street Journal-ի 2019 թ. հուլիսյան զեկույցը գեներալ Սաիդ Մոհամմադին անվանեց հանգուցյալ գեներալ Ղասեմ Սոլեյմանիի «նմանակը՝ տնտեսական ոլորտում»: Իսկ Թոնի Բլեյերի «Գլոբալ Փոփոխությունների Ինստիտուտ»-ը նրան անվանել է «ԻՀՊԿ-ի Սև Նժույգը (Dark Horse)»:

2014 թ. -ին International Mega-Project Award (Մեգա - նախագծերի Միջազգային Մրցույթ -մրցանակաբաշխություն) մրցույթում նրան շնորհվել է բրոնզե մրցանակ՝ Նախագծերի Կառավարման Միջազգային Ասոցիացիայի (IPMA) լավագույն նախագծի համար:

Իրան-Իրաքյան պատերազմից հետո, Իրանի Իսլամական Հեղափոխության Պահապանների Կորպուսը իր ենթակայության ներքո ստեղծեց «Խաթամ ալ-Անբիյա» ինժեներական-շինարարական շտաբ-կաբինետը՝ պատերազմի ավերածության հետևանքները վերացնելու, երկրի ենթակառուցվածքները վերականգնելու և վերակառուցելու նպատակով, հիմք ունենալով Իրանի Սահմանադրության 147-րդ հոդվածը, որը թույլ է տալիս ռազմական կառույցներին իրենց ներուժով և փորձառությամբ օգնել և մասնակցել խաղաղ ժամանակներում երկրի կառուցման գործընթացներին:

«Խաթամ ալ-Անբիյա» -ն, որն ունի առնվազն 812 կախյալ տնտեսական ընկերություններ, 650.000 հաստիքային և պայմանագրային աշխատողներ, մոտ 10.000 իրականացված նախագծեր, շուրջ 5000 կայացած համագործակցություն տեղական կապալառուների հետ՝ վճռորոշ դեր ունեցավ Իրանի պետական և տնտեսական կյանքում։

«Խաթամ ալ-Անբիյա»-ի աշխատանքի արդյունքում Իրանը որոշ չափով կարողացել է չեզոքացնել տնտեսական պատերազմը Իրանի դեմ, աշխարհի ամենաաննախադեպ ու ամենածանր պատժամիջոցները, շատ տնտեսական ոլորտներում ապահովել Իրանի իրական անկախությունը արտաքին աշխարհից ու նվազեցրել պատժամիջոցների վնասը՝ Իրանի տնտեսության վրա:

Արցախի պատերազմից հետո, Բաքվում տեղի ունեցած զինվորական շքերթի ժամանակ, երբ Էրդողանը բանաստեղծություն կարդաց Արաքսի մասին և Իրանում համապատասխան բուռն քննադատություններ բռնկվեցին Էրդողանի դեմ, նաև Սաիդ Մոհհամադը՝ «թշնամի գործիչ և գայլ» անվանելով Էրդողանին, իր թվիթերյան էջում նրա մասին գրել է հետևյալը. «Թշնամու սցենարը արդեն հրթիռակոծումը չէ, այլ Իրանի մասնատումը: Ուշադրություն դարձրեք Էրդողանի խոսքերին: Նրանք գայլերի պես դարանակալել են Իրանի շուրջը՝ Իրանը մասնատելու համար»»,-գրել է Հոսսեյնին: