Ձեր վստահելի աղբյուրը

«Մենք համբերատար կպայքարենք  և ամեն ինչ կանենք,  որ Փաշինյանը չլինի, բայց վերջնական որոշումը դեռ չենք կայացրել, պետք է խորհրդակցնեք»,- ասուլիսում ասաց  «Վերածնվող Հայաստան» կուսակցության նախագահ Վահե Հակոբյանը՝ խոսելով առաջիկա հնարավո արտահերթ խորհրդարանական ընտրությունների մասին։

Նա նշեց, որ  իրավիճակը փոփոխվում է ոչ թե ամեն օր, այլ ամեն ժամ, չի բացառում՝  ընտրությունների օրը չեղարկվի, հնարավոր է համար նաև ընտրություն առանց Նիկոլ Փաշինյանի:

«Այսօր մեր քաղաքականությունը հետևյալն է՝ մենք գնում ենք մենակ մեր վեկտորով, մեր էլեկտորատով, բազիսը Սյունիքն է:

Համոզված ենք, որ շեմն անցնելու ենք շատ հանգիստ։ Չեմ կարծում՝ ինչ-որ մեկին կխանգարենք: Պատրաստ ենք բանակցել, խորհրդակցել բոլոր ուժերի հետ, ում օրակարգում Փաշինյանի հեռանալն է», - ասաց նա։

Նա չբացառեց դաշինքն այլ ուժերի հետ։

Հարցին՝  նորաստեղծ կուսակցությունը սոցիալական ինչիպիսի՞ քաղաքականություն է վարելու, Վահե Հակոբյանն ասաց. «Մեր կուսակցությունը որդեգրել է սոցիալ կապիտալիզմի գաղափարը։ Երեք թեզ կա՝ պետություն, ուժեղ բիզնես և աշխատավոր  մարդ՝ բժիշկ, ուսուցիչ, ուսադիր կրողներ։
Պետությունն ամեն ինչ անում է բիզնեսի համար, բիզնեսը պետք եղած ժամանակ ամեն ինչ անի  պետության համար։ Իրար հետ միասին ստեղծում են այնպիսի պայմաններ, որ նույն աշխատավորն ունենա ապրելու համար լավ պայմաններ ու ծավալելու իր գործունեությունը»։

Պատասխանելով Սյունիքում սահմանային հատվածը տեսա-լուսանկարահանելու արգելքի վերաբերյալ հարցին՝ «Վերածնվող Հայաստան» կուսակցության նախագահն ասաց. «Ազգային անվտանգության ծառայությունն այն նախաձեռնել է մի բանի համար, որպեսզի փորձի կոծկել ու քողարկել իր անգործունեությունն ու խայտառակությունը։ Այլ բացատրություն չկա»։