Ձեր վստահելի աղբյուրը

«Հիմա այլ իրողություններ են Հայաստանում և ես պետք է ասեմ, որ ռազմական դրության իրականությունը սահմանափակում է ընդդիմության իրավունքները, սահմանափակվում է երկրում ժողովրդավարությունը»,-խորհրդարանում հայտնեց «Լուսավոր Հայաստան» խմբակցության ղեկավար Էդմոն Մարուքյանը՝ ներկայացնելով Ռազմական դրությունը վերացնելու մասին հարցը, որը հեղինակել են «Բարգավաճ Հայաստան» խմբակցության հետ միասին:

Ըստ պատգամավորի՝ տեղական ինքնակառավարման մարմիներ կան, որտեղ ընտրություններ չեն անցկացվում, Իջևանում համայնքապետ չկա, որոշ համայնքներ ավագանի չունեն:

Մարուքյանը տեղեկացրեց, որ երրորդ անգամն են ներկայացնում ռազմական դրությունը հանելու մասին նախագիծը, իսկ առաջին անգամ ԳՇ պետի խնդրանքով էին այն 7 օրով հետաձգել:

Բանախոսի ներկայացմամբ, իրենց առաջարկը մերժվել է, քանի որ ընդդիմությանը մեղադրում էին, որ դրանով կարող է սկվսել քաղաքական անվստահության գործընթաց:

Հիշեցնելով, որ նախագիծը Պաշտպանության և անվտանգության հարցերով մշտական հանձնաժողվում քննարկելու ժամանակ ընդդիմությանը համոզում էին, որ մի քանի օր էլ համաբեն և կլինի հանգուցալուծում՝ Մարուքյանը հայտարարեց. «Դրանից հետո մենք ունեցանք հանգուցալուծում, այսինքը՝ մենք ունենք հստակ հայտարարված ընտրությունների կազմակերպման օր: Մարդիկ ասում են, թե ինչպես կարող ենք ընտրության օր նշանակել, բայց մենք ունենք համաձայնություն վարչապետի հրաժարականի վերաբերյալ և վարչապետի հրաժարականի օրով պայմանավարված հաշվարկվել է ընտրության օրը»:

Ըստ Մարուքյանի, վարչապետի հրաժարականից հետո, եթե խորհրդարանը երկու շաբաթվա ընթացքում չի ընտրում նոր վարչապետ, ապա ինքնալուծարվում է և սահմանված ժամկետներում գնում է արտահերթ ընտրությունների:

Պատգամավորը հայտնեց, որ  ներկայում գնում են քաղաքական լուծումների, լարվածությունը թուլացել է և պետք է ռազմական դրությունը հանել:

Անկախ պատգամավոր Գոռ Գևորգյանը կասկած հայտնեց, թե ներքաղաքական իրավիճակի լարվածության նվազում կա:

Իր խոսքի վերջում Էդմոն Մարուքյանը նկատեց, որ բազմաթիվ բացակա պատգամավորներ կան և ենթադրեց, որ երևի արդեն քարոզարշավի են գնացել:

ԱԺ նախագահ Արարատ Միրզոյանն էլ հույս հայտնեց, որ պատգամավորնեը դեռ աշխատասենյակում են և աշխատում են:

Պաշտպանության և անվտանգության հարցերի մշտական հանձնաժողովի անդամ Արմեն Խաչատրյանը հայտնեց, որ կողմ են հարցի քննարկմանը,  որի արդյունքում եթե բոլորը որոշեն, որ պետք է ռազմական դրությունը հանվի, ապա՝ հանեն, չնայած հանձնաժողովը բացասական եզրակացություն է տվել՝ պատճառաբալեով, որ այն ներկայացնի կառավարությունը:

Արրարատ միրզոյանը կոչ արեց կողմ քվեարկել ռազմական դրությունը հանելու առաջարկին՝ ավելորդ շահարկումներից խուսափելու համար: