Ձեր վստահելի աղբյուրը

«Ես հանդես կգամ քննադատ-դիտողականությամբ՝ Վճռաբեկ դատարանի դատավորի ընտրությունների հետ կապված ընթացակարգային որոշ դրսևորումների և դրանք կարգավորող իրավադրույթների հանդեպ որոշակի ֆորմալիստական մոտեցումների առնչությամբ»,- ԱԺ-ում հայտարարեց Վճռաբեկ դատարանի դատավորի թեկնածու Արմեն Հայկյանցն՝ անդրադառնալով խորհրդարանում առաջին փուլում «Իմ քայլը» խմբակցության կողմից դտավորների ընտությունը տապալելու փաստին:

«Ազգային ժողովի կանոնակարգ» սահմանադրական օրենքով նախատեսված կարգով ԱԺ-ն քննարկում էր Վճռաբեկ դատարանի դատավորի ընտրության երկրորդ փուլը, որին մասնակցում են առաջին փուլում առավել կողմ ձայներ ստացած երկու թեկանծուներ՝ Արմեն Հայկյանց և Արսեն Մկրտչյան:

Հայկյանցը պատգամավորներին տեղեկացրեց՝ Եվրոպական դատավորների խորհրդատվական խորհուրդը, որը համարվում է Եվրոպայի Խորհրդի արդարադատության և դատական իշխանության հարցերով խորհրդատվական մարմին, ունի եզրակացություն, որը վերաբերում  է դատական իշխանության և իշխանության մյուս երկու թևերի հարաբերությունները:

Ըստ թեկնածուի ներկայացման՝ դատավորներին լիազորությունները կատարելու համար տրվում են ընդարձակ իշխանություն, լեգիտիմություն և եվրոպական կառույցը գտել է, որ դատավորը երբ նշանակվում է սահմանադրության և օրենքների խստիվ պահպանմամբ, այդ ժամանակ ձեռք է բերում իր լեգիտիմությունը:

Արմեն Հայկյանցի խոսքով՝ Հայաստանի Հանարպետությունում Վճռաբերկ դատարանի դատավորի համար սահմանված է լեգիտիմության ավելի բարձր մակարդակ, որն իրականացվում է ԲԴԽ-ի կողմից երեք թեկնածուի նեկայացմամբ և ԱԺ-ի ընտրությամբ:

«Առաջնային մանդատով օժտված բարձր լեգիտիմությամբ օրենսդիր մարմինն ընտրելով վճռաբեկ ատյանի դատավորին, այդքանով նրան փոխանցում է ժողովրդավարական լեգիտիմության ռեսուրս, որով դատավորը հետագայում պետք է  իրավունք արարի, հարուցի հանրության բարձր վստահույունը և հարգանքը դատական իշխանության և պետության հանդեպ»,-հայտարարեց Վճռաբեկ դատարանի դատավորի թեկանծուն և շեշտեց, որ խորհրդարանն այդ ընթացակարգն ընտրության առաջին փուլում խախտել է:

Վերջինս հիշեցրեց, որ ԵԽ-ն նաև մտահոգություն է հայտնում, որ դատավորների ընտրության գործընթացն կարող է քաղաքականացվել, որը կառաջացնի իշխանության այդ թևից կախվածության վտանգ:

«Հետադարձ հայացք գցելով Վճռաբեկ դատարանի դատավորի ընտրության առաջին փուլին՝ միգուցե այդ մտահոգության հասցեատեր դառնաք դուք»,- դիմեց պատգամավորներին Արմեն Հայկյանցը և  բացատրեց, որ թեկնածուի ընտրության համար կա սահմանված ընթացակարգ, որը սկսվում է ԱԺ-ում նրանց ներկայացմամբ՝ այդ դատավորներին առավել լավ ճանաչող անձի՝ ԲԴԽ նախագահի կողմից:

Նա համոզմունք հայտնեց, որ առաջին փուլում ԲԴԽ նախագահին տրված հարցերի շրջանակը թույլ է տալիս եզրակացնել, որ պատգամավորները դուրս են եկել ընթացակարգային այն ուղեծրից, որը սահմանել էր օրենսդիրը՝ այդ ընթացակարգը ընդունելով, քանի որ ԲԴԽ նախագահը այդ նիստում թեկնածուներին ներկայացնելուց բացի այլ լիազորություն չի ունեցել::

«Մենք դուրս եկանք սահմանադրական օրենքի պահանջի ուղեծրից»,- հայտարարեց Հայկյանցը և շեշտեց, որ եթե այդ տրամաբանությունը պահպանվի, ապա երկրորդ փուլում կանգնելու են նույն խնդրի առաջ

Նա նկատեց, որ նման ընթացակարգային ուղեծրային խախտման պարագայում այն ժողովրդավարական լեգիտիմության փոխանցումը, որի մասին նման ակնածանքով խոսում է Եվրոպական դատական խորհուրդը, Հայաստանում դառնում է դեֆորմացված՝ քաղաքականացման վտանգով պայմանավորված:

«Մենք կամ չպետք է կատարենք թեկնածուների ընտրություն, կամ թեկնածուների ընտրություն կատարելով՝ ընտրվող հավանական թեկնածուին տալու ենք դեֆեկտային լեգիտիմություն»,- հայտնեց Արմեն Հայկյանցը::

Վերջինս չպատասխանեց պատգամավորների հարցերին՝ պնդելով, որ «Ազգային ժողովի կանոնակարգ» սահմանադրական օրենքի 139 հոդվածը երկրորդ փուլում հարցերի հնարավորություն չի նախատեսում:

ԱԺ նախագահ Արարատ Միրզոյանը մեջբերեց օրենքի մյուս դրույթը, որով սահմանվում է, որ պատգամավորները կարող են հարցեր տան, սակայն Հայկյանցը մնաց անդրդվելի: