Ձեր վստահելի աղբյուրը

Անհետ կորած զինվորների ծնողներն ու հարազատները նրանց մասունքները գտնելու հույսով Կովսական են մեկնել առանց խաղապահների, առանց Կարմիր Խաչի կոմիտեի ներկայացուցիչների։ Հունվարի 9-ին մի փոսից գտել ու տասը պարկի մեջ են տեղավորել թե ամբողջական մարմիններ, թե մասունքներ։

«Մենք Աստծո հույսով ենք մտել այդ տարածք, ապրելու հավանականությունը մեկ տոկոս էր»,- 5-րդ ալիքի հետ զրույցում ասում է Գարիկը, ով եղբոր մարմինը սեփական ձեռքերով է դուրս բերել փոսից։

Հարազատները պնդում են, որ մինչ օրս իրենց որդիների մասունքները ցեխոտ են, ԴՆԹ փորձաքննություն չի իրականացվել։

ԴՆԹ փորձաքննության արդյունքում մի ազդր է համընկել Անահիտ Ադոյանի ամուսնու հետ։ Մայրը սակայն պահանջում է իրենց որդու ամբողջական մարմինը։

«Ամբողջ Զանգելանի պատմությունն այս իշխանության կոկորդին մի մեծ փուշ է կանգնած։  Ես այնքան ապացույցներ ունեմ, մեկ-մեկ բացահայտելու եմ»,- ասում է մայրը։

5-րդ ալիքի ռեպորտաժը՝ ներքևում։