Ձեր վստահելի աղբյուրը

«Նիկոլ Փաշինյանը ոչ մի վարկանիշ Հայաստանում  չունի և երբեք չի էլ ունեցել», - 168 TV-ի «Ռեվյու» հաղորդաշարի եթերում նման համոզմունք հայտնեց ՀՀ նախագահի աշխատակազմի հանրային կապերի և տեղեկատվության կենտրոնի նախկին տնօրեն Արա Սաղաթելյանը։

Խոսելով Նիկոլ Փաշինյանի մոտվիացիաների ու Արագածոտնում արած այն հայտարարության մասին, թե ինքը նմա՞ն է փախնողի, Սաղաթելյանը նշեց՝ կարող է ասել, որ Փաշինյանի միակ մոտիվացիան վախն է։

«Վախը իր անվտանգության համար։ Իմ կարծիքով, անգամ ոչ այնքան իր ընտանիքի, ինչքան իր։ Ինչ վերաբերում է փախնո՞ղ է, թե՞ ոչ։ Պատերազմի օրերին երբ ես առաջնագծում էի, Գորիսում բոլորը ծիծաղում էին՝ պատմելով, թե ինչպես  է Փաշինյանը փախել՝ լսելով ադրբեջանական անօդաչու թռչող սարքի ձայնը։ Սկզբում մուննաթ է եկել, թե լավ չեք պահում օդը, հետո փախել էր։ Փաշինյանը փախել էր նաև նոյեմբերի 9-ին կապիտուլյացիայի փաստաթուղթը ստորագրելուց հետո, թաքնվել էր բունկերում ու այնտեղիղ ներվային ջղաձգումներ էր հաղորդում մեզ իր  ֆեյսբուքյան ուղիղ եթերի միջոցով։ Այո, նա փախնող է»,-ընդգծեց Սաղաթելյանը։

Նախկին պաշտոնյայի խոսքով, Փաշինյանն իր անձն ու մտացածին մոտեցումները պաշտպանելու համար  կարող է գնալ ցանկացած ստի, ստորության ու քայլի։

ԱԺ աշխատակազմի նախկին ղեկավար-գլխավոր քարտուղար Արա Սաղաթելյանը վստահություն հայտնեց,  եթե լինեն արտահերթ ընտրություններ, ապա Փաշինյանը չի հավաքի նույնսիկ ձայների 30 տոկոսը, «որը նրան նկարել ու տվել են սոցիոլոգիական ուսումնասիրությունների արդյունքում»։

«Գերիշխող մեծմասնությունն արդեն հասկանում է, որ մեր պրոբլեմների ու ապագայի տապալման միակ մեղավորն ու միակ պատճառը Նիկոլ Փաշինյանն է։ Եվ դրա վերաբերյալ կա հանրային շատ լան կոնսենսուս»,-ասաց նա։

Անդրադառնալով ընդդիմության գործողություններին՝ բանախոսը  նշեց, որ իր դիտարկումներով  քաղաքական ընդդիմությունն ավելի շատ է մտածում երկրի վարկանիշի և ժողովրդի մասին, քան Փաշինյանը, և ընդդիմությունը դեռ հույս ունի  քաղաքական գործընթացներով հասնել Փաշինյանի հեռացմանը։

Անդրադառնալով Արագածոտնի մարզում  հանդիպումների ժամանակ դպրոցականների մասնակցությանը՝ Արա Սաղաթելյանն այն որակեց անբարոյականության գագաթնակետ, նշեց՝ այդտեղ կան խնդիրներ կապված բարոյականության ու Նիկոլ Փաշինյանի ուղեղի սակավության հետ։

Նա քաղաքացիների ուշադրությունը հրավիրեց այն հանգամանքին, որ Փաշինյանը հանդիպմանը մասնակցում էր զրահաբաճկոնով, այսինքն` իրեն զգուշացրել էին առավել վտանգի աղբյուր հանդիսանալու մասին, բացի այդ մեծաքանակ աշխատակիցներ ապահովում էին նրա անվտանգությունը։

Ըստ նրա՝ գուցե արդարացված է եղել նման մտահոգությունը այն չարիքներից հետո, որոնք  գործել է Նիկոլ Փաշինյանը։

«Առնվազն 15-20 հազար ընտանիքի հասցրել է անդառնալի կորուստ և այդ ընտանիքներից ցանկացած մարդ ինչ-որ ազդեցությունների ներքո կարող է ցանկացած գործողություն ձեռնարկել Նիկոլի հանդեպ։ Բայց անբարոյականության գագաթնակետն է բերել այնտեղ երեխաներ ու վտանգելով նրանց։ Եթե ինքնա այդքանը չի մտածում, նշանակում է  նա առաջնորդվում է  ռեֆլեքսներով»,-ընդգծեց բանախոսը։

Ինչ վերաբերում է կրթության նախարարի այն հայտարարությանը, թե երեխաները ցանկություն են հայտնել տեսնել  Փաշինյանին՝ Ա. Սաղաթելյանն ընդգծեց,  դա ևս մեկ անգամ վկայում է, որ կրթության ոլորտը չպետք է ղեկավարեն մարդիկ, որոնք մանկավարժական գիտելիքներից զուրկ են։ Նախարարի նման հայտարարությունը, Սաղաթելյանի գնահատմամաբ,  հակամանկավարժական մոտեցում է։

«Այո, երեխաները կարող են ձգտում ունենալ տեսնել Նիկոլ Փաշինյանին, կարող են ձգտում ունենալ տեսնել ջայլամին, արջին ու առյուծին, բայց, քանի որ ջայլամը, առյուծն ու արջը առավել վտանգի աղբյուր են, կենդանաբանական այգում նրանց առանձնացնում են ճաղավանդակներով»,-ասաց նա՝ ավելացնելով, որ եթե երեխաները մեծ ցանկություն ունեին հանդիպել Փաշինյանի հետ, ապա դա կարող էին կազմակերպել փակ դահլիճում՝ ապահովելով անվտանգության պայմանները։

«Չնայած ես կրկնին պնդում եմ, որ երեխաները չպետք է մասնակցեն քաղաքական միջոցառումների, և դրա մասին ես խոսում էի իշխանափոխության օրերին։ Երեխաներին դարձնել կենդանի վահան, ազնիվ չէ»,- նշել է նա։

Հարցազրույցն ամբողջությամբ՝ տեսանյութում։