Ձեր վստահելի աղբյուրը

Մոսկվան ընդգրկվել է օդի որակի առումով 2020 թվականի համաշխարհային վարկանիշային ցուցակի 30 լավագույն մայրաքաղաքների ցանկում` Փարիզից, Վիեննայից և Բեռլինից առաջ: «ՌԻԱ նովոստի»-ի փոխանցմամբ՝ այդ մասին հաղորդվում է Ռուսաստանի քաղաքապետարանի կայքում:

Վիճակագրությունը հիմնված է մթնոլորտում մանր պինդ մասնիկների (PM2.5) տվյալների վրա, որոնք ստացվում են ցամաքային մոնիտորինգի կայանների IQAir առցանց հարթակից: Ցուցակում ընդգրկված է 92 քաղաք:

Նշվում է, որ անցած տարվա ընթացքում PM2.5 տարեկան ամենաբարձր միջին կոնցենտրացիաները դիտվել են Արևելյան, Հարավարևելյան և Հարավային Ասիայի քաղաքներում: Ամենաբարձր մակարդակը եղել է Դելիում, Դաքայում և Ուլան-Բատորում:

Մոսկվայում կախյալ մասնիկների պարունակությունը 1,5-2,6 անգամ ցածր է քան Սոֆիայում, Բելգրադում, Պրիշտինայում, Կիևում, Աթենքում, Վարշավայում և 22 տոկոսով ցածր է Հռոմից, 11 տոկոսով՝ Փարիզից:

Քաղաքապետարանի տեղեկատվության համաձայն, 2013 թվականի համեմատ մայրաքաղաքի մարզի օդում PM2.5 կախյալ մասնիկների պարունակությունը մեկուկես անգամ նվազել է: Բացի այդ, 2010 թ-ին ածխաթթու գազի կոնցենտրացիան նվազել է 2,7 անգամ, ազոտի երկօքսիդը՝ 1,3 անգամ, ազոտի օքսիդը՝ 2,5 անգամ, ծծմբի երկօքսիդը՝ 1,7 անգամ, կախյալ մասնիկները PM10 - 1,5 անգամ: