Ձեր վստահելի աղբյուրը

Փաստաբան Ալեքսանդր Կոչուբաևը, անդրադառնալով երեկ Սահմանդրական դատարանի կողմից Քրեական օրենսգրքի 300.1 հոդվածը հակասահմանադրական ու անվավեր ճանաչելու որոշմանը, գրել է.

«Ի՞նչ եղավ այսօր և ի՞նչ է լինելու վաղը։

Խոշոր հաշվով՝ ոչինչ։ ՍԴ-ն ընդամենը արձանագրեց այն, ինչ  3 տարի ասում էին առողջ բանականություն և նորմալ տրամաբանություն ունեցող  մասնագետները։

Կասկածից վեր է, որ Նախագահ Քոչարյանի մեղադրանքը բոլոր կետերով ակնհայտ քաղաքական մոտիվներով է և կիլոմետրերով հեռու  իրավաբանությունից։ Սա նշանակում է, որ սահմանադրական կարգի  մասով քրեական գործը կկարճվի, իսկ դատախազությունը կփորձի հերթական հակասանիտարական մեկնաբանություններով պահել քրեական գործը, ինչը ժամանակավոր բնույթ է ունենալու։

Իրավիճակի դուալիզմն այն է, որ գործող իշխանական խմբավորումը արեց գործնականում ամեն ինչ.  ՍԴ-ն տեռորի ենթարկելու, այն յուրայինանցնելու համար, սակայն այդ նույն ՍԴ-ն թքեց իշխանության գարշելի դեմքին և ծառայեց իրավունքին։

Միաժամանակ չեմ շտապում համալրել ՍԴ ֆանականի շարքերը, անելիքներ դեռ շատ կան։

«Կրելու ենք»-ը սկսվում է»։

Հիշեցնենք, որ ՍԴ որոշման համաձայն Քրեական օրենսգրքի  300.1 հոդվածը հակասում է Սահմանդրության 78 և 79 հոդվածներին։

Սահմանադրության 78-րդ հոդվածը սահմանում է համաչափության սկզբունքը, իսկ 79-րդ հոդվածը՝ որոշակիության սկզբունքը:

ՍԴ տվյալ հոդվածի Սահմանադրությանը համապատասխանելու հարցով դիմել էին ՀՀ երկրորդ նախագահ Ռոբերտ Քոչարյանը և Երևանի ընդհանուր իրավասության դատարանի դատավոր Դավիթ Գրիգորյանը։ Ի դեպ, վերջինի նկատմամբ ՍԴ դիմելուց հետո հետապնդումներ սկսվեցին։

ՀՀ ՔՕ 300.1 հոդվածը սահմանում է սահմանադրական կարգը տապալումը, որով մեղադրանք է առաջադրված ՀՀ երկրորդ նախագահ Ռոբերտ Քոչարյանին, ԶՈւ ԳՇ նախկին պետ Յուրի Խաչատուրովին, պաշտպանության  նախկին նախարար Սեյրան Օհանյանին, ՀՀ նախագահի աշխատակազմի նախկին ղեկավար Արմեն Գևորգյանին։