Ձեր վստահելի աղբյուրը

«Նախատեսվում է սիգի որսի գործընթացը կազմակերպել պետական կազմակերպության միջոցով, ինչը կնպաստի տարածքի սոցիալ-տնտեսական վիճակի բարելավմանը և ձկնորսների՝ տվյալ կառույցում աշխատելով, ավելի կայուն երաշխիքներ ունենալուն»,- «Արմենպրես»-ի մամուլի սրահում հայտարարեց Շրջակա միջավայրի նախարարության Բնության հատուկ պահպանվող տարածքների և կենսաբազմազանության քաղաքականության վարչության պետ Ոսկեհատ Գրիգորյանը։

Նրա խոսքով՝ ձկնորսները, աշխատելով ստեղծվող պետական կազակերպությունում, կունենան աշխատատեղ, աշխատավարձ և ձվադրման ժամանակ հնարավոր պարապուրդի դեպքում, կվճարվեն՝ խուսափելով հնարավոր ապօրինություններից:

Գրիգորյանի խոսքով, 2020 թվականին ՇՄ նախարարության կազմակերպած փորձարարական  որսի համար սահմանված առավելագույն չափաքանակը 300 տոննան է եղել, կնքվել էր 255 պայմանագիր 236 տոննա որսի թույլտվությամբ, բայց փաստացի իրականացվել է 204 տոննա սիգի որս։

Վարչության պետը տեղեկացրեց, որ որսն իրականացվել է մոտքի և ելքի 19 տեղամասերից, չնայած նախապես նախատեսված է եղել իրականացնել 25 տեղամասից, և ափից 500 մետր հեռավորության վրա՝ մանրաձկան որսը բացառելու նապատակով:

Բանախոսը հայտնեց, որ մնարաձկան որսն կանխարգելելու համար նաև կառավարության որոշմամբ սահմանվել է, որ ձկնորսական ցանցավանդակների մեծությունը չպետք է գերազանցի 40 սմ-ն:

Ոսկեհատ Գրիգորյանի ներկայացմամբ, առաջին փուլի արդյունքներով որոշվել է 2021թ-ին իրականացնել արդյունագործական որսի երկրորդ փուլը, որի համար սահմանվել է 250 տոննա չափաբաժինը, սահմանվել է, որ այս տարի լիճ մուտքը և ելքը կարվի ցերեկային ժամերին, որպեսզի հսկվի ձկնորսական նավերի տեղաշարժը:

ՇՄ ներկայացուցիչը բացատրեց, որ արդյունագործական որսի նպատակը ձկնորսներին օրինական դաշտ բերելն է:

Բնապահպանության և ընդերքի տեսչական մարմնի աշխատակից Արմեն Արաբյանն էլ բացատրեց, որ Շրջակա միջավայրի նախարարությունը մշակում է ձկան արդյունագործական որս անցկացման քաղաքականությոնը,  «Սևան» ազգային պարկը իրականացնում է այդ որսի հսկողությունը, իսկ Բնապահպանության և ընդերքի տեսչական մարմինը վերահսկում է գործընթացը:

Ըստ Արաբյանի՝ վերահսկողությունը իրականացվում է տարին մեկ անգամ ազգային պարկում իրականացվող ստուգման միջոցով, բայց ձկան ձվադրման ժամանակաշրջանում ազգային պարկի աշխատակիցների, ոստիկանության, մարզպետարանի և ՊԵԿ-ի հետ համատեղ իրականացնում են ույժեղացված վերահսկողութուն:

«2020 թվականի դեկտեմբերի 25-ից մինչը 2021 թվականի հունվարի 20-ն իրականացված համատեղ միջոցառումների շրջանակներում առգրավել է 5000 հատ սիգ տեսակի ձուկ, 22 ձկնորսական ցանց, իսկ ոստիկանության կողմից կազմվել է մոտ 35 արձանագրություն»,-հայտնեց Արմեն Արաբյանը:

Նրա խոսքով՝ Վարչական իրավախախտումների մասին օրենսգրքի 85 հովածը սահմանում է, որ եթե պետությանը հասցված վնասը գերազանցում է նվազագույն աշխատավարձի եռապատիկը՝ 3 հազար դրամը, ապա գործի քննությունը տեղափոխվում է իրավապահ մարմնի տիրույթ, և տեսչական մարմինն առաջարկելու է համապատասխան փոփոխությունների միջոցով այդ գումարի չափն ավելացնել, որպեսզի հնարավոր լինի վարչական վարույթ իրականացնել: