Ձեր վստահելի աղբյուրը

Իրավապաշտպան Ավետիք Իշխանյանը գրում է․

«Ինչպես,վարչապետի անձնական օգտագործման, ԱԽՔ ղեկավար Արմեն Գրիգորյանի թրքահաճո  խոսքն, այնպես էլ, նույն վարչապետի անձնական օգտագործման պատգամավոր, ի դեպ՝ նախկին ՀՅԴ անդամ Հովիկ Աղազարյանի թրքահաճո խոսքերն են քննարկվում։ Հարգելիներս, սա տեսակի հարց է։ Մարդու տեսակ, որին խորթ են ազգային , մարդկային, ընկերական և այլ զգացմունքներ։

Եթե Արմեն Գրիգորյանը ծափահարում  և շարունակում է հավատարմորեն ծառայել իր հայրենի Արցախը թշնամուն նվիրած բռնապետիկին, ապա Հովիկ Աղազարյանը ժամանակին զենքի վրա երդվել և դարձել է ՀՅԴ անդամ և պահանջատեր Թուրքիայի և Ադրբեջանի նկատմամբ, այսօր արդեն, իր հավատարմությունը ցուցադրելու համար տիրոջը՝ ուրանում է հայրենիքը։

Ահա այս տեսակն է այսօր իշխում Հայաստանում․ այն է՝ անսկզբունք, անհայրենիք, պետք եղած ժամանակ «ազգային», հաջորդ իսկ օրը «կոսմոպոլիտ», անվերջ տերեր փոխող մարդու, ներեցեք՝ ողորմելի  հայի տեսակը։ Իսկ, նրանց առանձին-առանձին անձնական  թրքահաճո  սրացումները, մեկ նպատակ են հետապնդում․ հնարավորինս քծնել տիրոջը, որ առաջիկա ընտրություններ կոչվող միջոցառմանը խաղից դուրս չմնան և շարունակեն վայելել, չնայած ստրկական, բայց լավ վարձատրվող պատգամավորա-նախարարական «կայֆերը»»։

Հիշեցնենք, որ Ազգային ժողովի իշխող ուժի՝ «Իմ քայլը» խմբակցության պատգամավոր Հովիկ Աղազարյանը հայտարարել է, որ իր կարծիքով՝ Քարվաճառը հայկական չէ և չի էլ եղել.

«Հայաստանում կա՞ մեկը էդքան դուխով, որ ամբողջ աշխարհին կարող է ասել, որ Քելբաջարը մերն է  եղել: Ամբողջ աշխարհն ասել է՝ Քելբաջարը քոնը չի, տղա ջան, արագ-արագ հետ տուր, դու էլ խելոք-խելոք պիտի հետ տայիր վաղ թե ուշ»,-ասել է նա: