Ձեր վստահելի աղբյուրը

ԱԺ «Իմ քայլը» խմբակցության պատգամավոր Հովիկ Աղազարյանի երեկվա հայտարարությունը, որում ասվում է, թե «Քարվաճառը մերը չէր․ Հայաստանում կա՞ ինչ-որ մեկը այդքան դուխով, որ ամբողջ աշխարհին ասի՝ Քարվաճառը մերն է եղել», բավականին լուրջ քննադատությունների է արժանացրել հանրության շրջանում։

ԱԺ «Բարգավաճ Հայաստան» խմբակցության պատգամավոր Նաիրա Զոհրաբյան.

«Ու հանկարծ չմտածեք, թե Հովիկ Աղազարյանն է, մի բան էլի «բլթացրել» է։

Սա հատուկ քաղաքականություն է՝ Օվերտոնի պատուհան, երբ ապրիլի 24-ից առաջ հանրությանը ուզում են պատրաստել մտքին, թե մեր ինչի՞ն է պետք Ցեղասպանության ճանաչումը, երբ ԱԽ քարտուղարը թրքասիրություն է քարոզում, երբ Սյունիքը վերաձեւելուց առաջ ժողովրդին համոզում են, որ Քարվաճառը երբեք հայկական չի եղել, երբ տգետ ու կառավարելի հասարակություն ունենալու համար նրանցից մեկը հայտարարում է, որ եթե ԲՈՒՀ-երը վաճառենք ու տեղը հյուրանոցներ սարքենք՝ տուրիզմը կզարգանա։

Որովհետեւ մանիպուլացնելու համար իրենց տգետ հասարակություն է պետք։

Խորհրդարանը լցված է տարիներ շարունակ Գերմանիայի «Խաղաղության ճամբարներում» թուրքի հետ մի վրանի տակ քնածներով, ովքեր Ադրբեջանի շահի համար իրենց են ճղում։
Էս մարդիկ պատահական չեն ընտրվել։

Սրանց հատ-հատ ընտրել են Հայաստանը Թուրքիայի վիլայեթ սարքելու մեծ Թուրանի ծրագրի առաքիչները ու հիմա սրանք, ժողովրդի մի մասի լուռ համաձայնությամբ, սպանում են Հայաստանը»։

Ռազմական փորձագետ Կարեն Հովհաննիսյան.

«Իրանց քայլի պատգամավորին ասեք, որ Քարվաճառի անտառներում հազարավոր հայատառ մակագրություններով խաչքարեր կան, իսկ եթե հողի շերտն էլ մաքրեն հազարավոր մատուռների և եկեղեցիների հետքեր կգտնեն՝ կրկին հայատառ մակագրություններով․․․

Ընդհանրապես, այդ տեսակ պատգամավորները լավ կլինի մտածեն մելի մեջլիսում իրենց հայտնվելու մասին․․․

Լավ, այսքան անհայրենիք որտեղից հավաքվեցին, ոնց էլի, էսքա՞ն քոռ էինք․․․»։

ԵՊՀ ռազմավարական հետազոտությունների կենտրոնի ղեկավար Ալվինա Աղաբաբյան.

«Ժամանակին Թուրքիան ու Ադրբեջանը բավականին մեծ գումարներ էին ծախսում ու ջանք թափում, որ իրենց քարոզչական թեզերից գոնե մի քանիսը հասցնեին մեր լսարանին։ Հիմա ազատ խոսում ու իրենց թեզերը տարածում են ՀՀ իշխանության ներկայացուցիչների բերանով։
Էս ողջ աղբը տնից մաքրել է պետք և շատ շտապ»։

Քաղաքագետ Անուշ Սեդրակյան.

«Էս թուրքերից ինչքան փող պիտի վերցրսծ լինես,որ ընտրությունների ու եղեռնի տարելիցի շեմին Շուշին դժգույն անվանես,Քարվաճառը ոչ հայկական համարես,երկար ու բարակ ճամարտակես,որ թշնամին իրականում թշնամի չի ,մենք ենք սարքում թշնամուն թշնամի։Рейтинг-ничто,деньги-все...»։

Անկախ պատգամավոր Սոֆյա Հովսեփյան.

«Քարվաճառը մերը չէր... աշխարհը կասի արագ - արագ հետ տուր ...

Աշխարհը Վանն էլ մերը չհամարեց,Կարինն ու Մուշն էլ , Շուշին ու Հադրութն էլ , որովհետև դուք մերը չեք ճանաչում , որ ատամներով պահեք ...

Երբ շատ ցեղեր ու ցեղային միավորներ դեռ չէին կազմավորվել , մենք ունեինք պետություն , մենք ունեինք առաջնորդ ,մենք ունեինք Ծովից Ծով Հայաստան ... կորցրեցինք , որովհետև շատերը չկարևորեցին պետականություն ունենալու առաջնահերթությունը , փաստի կարևորությունը , քանի որ դեռ քոչվորի հոգեբանության մեջ էին ... Դարեր անցան , 30 տարի առաջ կրկին պետություն դարձանք , այն էլ անկախ պետություն , բայց դեռ շատերը քոչվորի հոգեբանությամբ են ապրում ...
Քոչվորի...

Որտեղ հաց, այնտեղ կաց ...

Խելամիտ մարդի՛կ, համախմբվել է պետք ու բոլոր քաղաքական ուժերից դուրս , պետք չի ստեղծել քաղաքական ուժ , այլ պետք է ցույց տալ , որ բացի էս թրքասեր , քոչվոր մասսայից , Հայաստանում ապրում մի հզոր Ազգ...

Ես երբեք ինձ այսքան թևաթափ չեմ զգացել , բայց գիտակցում եմ , որ իրավունք չունեմ ...

Զարթնել է պետք թմբիրից , մենք կործանման եզրին ենք ...

Գիտեք ո՞րն է սարսափելին , որ կեղծիքին ու սուտը լցնում են չկարդացող , միայն օրվա հացի մասին մտածող մարդկանց ականջը և վաղը իրենք են ընտրելու մեր երկրում՝ մեր ապրելու իրավունքը ...
Ես համաձայն չեմ այս իրավիճակին , չեմ հարմարվելու՝ թեկուզ կյանքի գնով...
Զարթնի՛ր, լաո՜...»։