Ձեր վստահելի աղբյուրը

«Եթե Գասպարին շաբաթավճարով էր աշխատում և երեքշաբթի օրերն էր պառկում ասֆալտին, ապա Նիկոլը միանվագ, մեծ գումարով պառկեց թուրքերի տակ և այսօր դրա պտուղներն ենք քաղում»,- «Հայելի» մամուլի ակումբում հայտնեց «Ազգային համաձայնություն» կուսակցության նախագահ Արամ Հարությունյանը

Նրա խոսքով, եթե Վանո Սիրադեղյանի մանկության երազանքն ավտոտեսուչ դառնալն էր, շատ  երեխաներ երազում են տիեզերագանց դառնալ, ապա Նիկոլ Փաշինյանի երազանքը եղել է  դավճան դառնալը:

Բանախոսի կարծիքով՝ դավաճան ունենալու հարցում Հայաստանն աշխարհի երկրների շարքում մրցակցությունից դուրս է մնացել:

«Եթե գելխեղդը վնգստում է, ուրեմը նրան պետք է շան տեղ չդնել»,- հայտարարեց նա և կոչ արեց չնայել Նիկոլ Փաշինյանի ելույթները, ասուլիսները և կառավարության նիստերը: 

Անդրադառնալով ՀՀ երկրորդ նախագահ  Ռոբերտ Քոչարյանի դեմ հարուցած քրեական գործին՝ Արամ Հարությունյանը նկատեց, որ դրանով Փաշինյանը հայտնվել է օրենքից դուրս և վերջինիս դեմ ցանկացած գործողություն ընդունելի է:

«Հիմա աբսուրդային իրավիճակ է, ըստ ՍԴ որոշման՝ Քրեական օրենսգրքի 301 հոդվածը չկա, բաց պարզվում է, որ իրենց գլխավոր «մեղադրյալը» կա»,- նկատեց բանախոսը  և  հայտարարեց, որ անհիմն մեղադրանքի մասին նախագահի կողմնակիցները վաղուց էին խոսում:

Կարծիք հայտնելով, որ Հայաստանի երկրորդ նախագահի դեմ քրեական գործն հարուցվել է  Արցախի և տարածաշրջանի գործընթացներից նրան մեկուսացնելու համար՝ Հարությունյանը հիմնավորեց.«Ռոբերտ Քոչարյանը, Պուտինի ձևակերպմամբ, Անդրկովկասի անվտանգության ճարտարապետներից ու երաշխավորներից է, իսկ Վազգեն Սարգսյանի ձևակերպմամբ՝ Արցախի և Հայաստանի միասնության սիմվոլը, դրա համար էլ նրան մեկուսացրել են»:

«Ազգային համաձայնություն» կուսակցության նախագահի համոզմամբ՝ Ռոբերտ Քոչարյանի դեմ ընթացող դատական գործը վարող դատավոր Աննա Դանիբեկյանը դիմակով թաքցնում է իր էմոցիաները, նա  ողբերգական վիճակում է, խեղճացած մի «փիսիկ» է դարձել, քանի որ հասկանում է, որ ինքը պարտավոր է դատական նիստում այդ հարցը փակել, բայց շարունակում է մնալ Նիկոլ Փաշինյանի մահապարտներից մեկը:

Արամ Հարությունյանը հայտարարեց, որ բոլոր զոհվածների մայրերը «Մարիամներ» են, քանի որ նրանք իրենց զվակներին զոհեցին այն բանի համար, որ մենք ազգովի 30 տարի չենք գնահատել  հաղթանակը, հերոսներին: 

Նրա համոզմամբ՝ այս մեծ թվով զոհեր ունենալու ողբերգությունն է, որ թույլ չի տալիս ժողովրդին գալ Բաղրամյան պողոտա, իսկ հասարակությունը պետք է հասկանա, որ եթե այսօր հայրենիք չունի, ուրեմն տուն էլ չունի՝ խրճիթ էլ: