Ձեր վստահելի աղբյուրը

«Երկու տարուց ավելի մենք տեսնում ենք, որ ՀՀ-ում սահմանադրական կարգ գոյություն չունի, կա ցեղապետության նման մի երևույթ, որի ղեկավարը փորձում է իր խնդիրները զոռբայությամբ և անբարոյական մեթոդաբանությամբ առաջ տանել»,- այսօր հրավիրված մամուլի ասուլիսի ընթացքում ասաց քաղաքական-հասարակական գործիչ Միհրան Հակոբյանը։

Նրա խոսքով, այն, որ ներկայիս իշխանությունները փորձել և փորձում են ամեն գնով դատել ՀՀ երկրորդ նախագահին, հայտնի է, իսկ ՍԴ որոշումը՝ հակասահմանադրական ճանաչել ՀՀ ՔՕ 300.1 հոդվածը, այդ փաստն ավելի է հաստատում։

«Երկու տարուց ավելի Նիկոլ Փաշինյանը փորձել է իր բոլոր ձախողումներն ու չաշխատելը բացատրել նրանով, որ ինքը պայքարում է նախկինների դեմ։ Ինքը գործել ու գործում է՝ երևակայական հողմաղացների դեմ կռիվ տալով։ Ես չգիտեմ՝ ՀՀ-ում այդ քանակի ապուշներ կա՞ն, որ իր այդ մեթոդը աշխատի, բայց կարծում եմ՝ չկան այդ քանակի ապուշներ, որ Նիկոլ Փաշինյանի ստին, կեղծիքին ու անբարոյականությանը հավատան»,- նշեց նա։

Ըստ Միհրան Հակոբյանի, սահմանադրական կարգի ենթադրյալ տապալման գործի երեկվա քննությանը դատախազների չներկայանալը կապված է ՍԴ որոշման հետ, քանի որ նրանք հասկացել են՝ այլևս անիմաստ է ներքաշվել այդ գործի մեջ.

«Այս մարդիկ չեն հասկանում, թե ինչու պետք է կացինը ձեռքները վերցրած գնան ու չեղած հոդվածով մեղադրանք հնչեցնեն»։

Հասարակական-քաղաքական գործչի գնահատմամբ, Նիկոլ Փաշինյանը քաղաքական ինքնասպան է, և դրա համար է այդպես գործում։

«Պատմությունը բազմաթիվ օրինակներ ունի, որ պետությունը նման աղետի հասցրածներին առանց դատ ու դատաստանի հրապարակի մեջտեղում կախաղան են բարձրացրել։ Հայաստանում այդպես չեղավ։ Ես կարծում եմ, որ սահմանադրական ճանապարհով Փաշինյանի հրաժարականը պահանջելը արդյունավետության հետ կապված խնդիրներ ունի։ Եվ դա շատ մոտ ապագայում պարզ կլինի բոլորին։ Երբ դու փորձում ես խաղալ խաղի քո կանոններով, որոնք մրցակիցդ չի ընդունում, դժվար է հաջողել»,- նկատեց նա։

Նա վստահություն հայտնեց, որ Նիկոլ Փաշինյանը երբեք սահմանադրության հանդեպ հարգանք չի ունեցել, սահմանադրությունը չի հարգել, և դա ակնհայտ է եղել նրա՝ իշխանության գալու առաջին օրվանից։

«Ինքը գնում է «որտեղ բարակի թելը, այնտեղ էլ թող կտրվի» սկզբունքով։ Խնդիրն ունի երկու շերտ. նախ Փաշինյանը պատվեր էր ստացել իր արտասահմանյան տերերից՝ Անկարա, Բաքու, ինչպես նաև Արևմուտք, որ ամեն գնով Հայաստանում իշխանությունը զավթի, և զավթելուց հետո էլ արդեն այդ իշխանությունը պահի ու կատարի իրեն իջեցված պատվերը։ Երկրորդ շերտն էլ այն է, որ այս մարդիկ կատարել են պատմական մասշտաբների հանցագործություն, և պատմության մեջ իրենք իրենց տեղն ունեն՝ շան տղա անունով, քանի որ այս իշխանությունների արածը պատմական մասշտաբների շան տղություն է։

Հենց Նիկոլ Փաշինյանն էլ իրեն շան տեղ է դրել. գելխեղդ է։ Եվ տեղի ունեցած իրադարձություններից հետո, երբ իշխանությունները շատ լավ հասկանում են իրենց արածը, հիմա փորձում են դա այլ սկուտեղի վրա մատուցել՝ մեր հասարակությանն ասելով, թե գիտեք ինչ, մենք իրականացնում ենք ձեր երազանքը, դուք միշտ եք երազել թուրքական սապոկի տակ լինել, Նիկոլի նման թուրքի կոշիկ լիզող լինել, դուք միշտ դա եք երազել, ուղղակի չգիտեք»,- ասաց նա։

Անդրադառնալով Նիկոլ Փաշինյանի վերջին հայտարարություններից մեկին, ըստ որի՝ «եթե մենք թշնամություն ենք անում, մեր դեմ էլ են թշնամություն անում»՝ Միհրան Հակոբյանն ասաց, որ կա սպասելիք, թե մոտ ապագայում Փաշինյանն ասելու է. «Թուրքիայի պահվածքը մեր գործողությունների պատասխանն է, բա մենք թուրքերի նկատմամբ նման բաներ ենք արել»։

Նա հաստակեցրեց, որ իշխանությունները հիմա ժողովրդին ուզում են մատուցել, թե Թուրքիայի՝ Հայաստանի նկատմամբ  թշնամությունների պատճառն այն է, որ հայկական կողմն էլ է թշնամություն անում։

«Նա ուզում է, որ մեր մտքից հանենք ցեղասպանությունը, Արցախը»,- շեշտեց Միհրան Հակոբյանը։