Քանի ԵԱՏՄ-ում չենք ստեղծել մեր ռեյտինգային գործակալությունը, մենք կլինենք մանիպուլյացիաների օբյեկտ ԱՄՆ-ի համար․ Սերգեյ Գլազև
Եվրասիական տնտեսական ինտեգրման մինչև 2025 թ.-ը ռազմավարական ուղղությունների մի մասը կապված է ԵՏՄ-ի արդյունավետության զարգացման հետ։ Այս շաբաթ արդեն հաստատվել է ռազմավարության իրականացման պլանը՝ հստակ ժամկետներով, իրականացնողներով, մեխանիզմներով, աշխատանքներն արդեն սկսվել են։ Այս մասին այսօր հայտնեց Եվրասիական տնտեսական հանձնաժողովի ինտեգրացիայի և մակրոտնտեսության հարցերով նախարար, տնտեսական գիտությունների դոկտոր, ՌԳԱ ակադեմիկոս Սերգեյ Գլազևը՝ Եվրասիական տնտեսական ինտեգրման ռազմավարական ուղղությունները թեմայով Մոսկվա-Բիշքեկ-Մինսկ-Երևան-Նուր-Սուլթան տեսակամուրջի ժամանակ։
Սերգեյ Գլազևի խոսքերով, առաջնային ուղղությունը ապրանքների, կապիտալի, աշխատուժի ազատ շարժի համար բարիերների ամբողջական վերացումն ու մաքսիմալ կրճատումն է միասնական տնտեսական տարածքում, որոնց ուղղությամբ աշխատանքները տարվում են ամենօրյա ռեժիմով։ Կիրականացվի ընդհանուր ֆրնանսական շուկայի կոնցեպցիան։
«Շատ կարևոր եմ համարում ռեյտինգային գործակալության ստեղծումը միությունում։ Այս թեման կարծես չի վերաբերում խոչընդոտների վերացմանը, բայց քանի դեռ մենք կօգտվենք ամերիկյան եռյակի ռեյտինգներից, մեզ մոտ ավտոմատ կերպով բարիերները կառաջանան ֆինանսական շուկայում, քանի որ, գիտեք, որ ամերիկացիները ՌԴ նկատմամբ իրականացնում են պատժամիջոցների քաղաքականություն և, ինքնաբերաբար, ռեյտինգային ամերիկյան ընկերությունները, որոնք հաշվետու են ԱՄՆ ֆինանսների նախարարությանը ու կատարում են նրա բոլոր ցուցումները, թերագնահատում են կրեդիտային ռիսկերը Ռուսաստանի համար։ Սա նշանակում է տոկոսադրուքների բարձրացում ֆինանսական կրեդիտային շուկայում։ Այնպես որ, քանի դեռ մենք չենք ստեղծել մեր ռեյտինգային գործակալությունը, մենք կլինենք մանիպուլյացիաների օբյեկտ ԱՄՆ-ի համար։ Սա շատ կարևոր հարց է, մենք կորցնում ենք մեծ գումարներ՝ ԵԱՏՄ-ում ռեյտինգային գործակալություն չունենալու պատճառով։ Դեռևս միայն ՌԴ-ն ունի ռեյտինգային գործակալություն, որոնցից երկուսն ունեն Կենտրոնական բանկի լիցենզիա։ Սա մեզ շատ է օգնում»,-ասաց Գլազևը։
Նշվեց, որ հավանության է արժանացել գիտական աստիճանների փոխադարձ ճանաչման նախագիծը, ինչն աշխատանքի շուկայում բարիերների վերացմանն է ուղղված։ Պետական գնումների հետ կապված ևս աշխատանքներ են տարվում խոչընդոտների վերացման ուղղությամբ։ Զարգացման հաջորդ ուղղություններից է ապրանքների շուկայում գործունեության արդյունավետության բարձրացումը։ Ապրանքների բիրժային ընդհանուր շուկայի ձևավորման հետ կապված նշվեց, որ հանձնարարվել է մշակել ու հաստատել այն։ Կարևոր ուղղություններից նշվեց նաև մաքսային կարգավորումների կատարելագործումը, առաջ են շարժվում միասնական պատուհանի համակարգին, ապրանքների որակների համապատասխանության հարցը, կանաչ տնտեսություն, նոր ինտեգրացիոն համակարգերի ստեղծում՝ կրթություն, սպորտ, միջազգային համագործակցություն։
Լրահոս
Տեսանյութեր
Առնվազն երկու կողմ կա, ովքեր չէին ցանկանա, որ ԵԱՏՄ նիստը Հայաստանում անցկացվեր. Արթուր Խաչատրյան
