Ձեր վստահելի աղբյուրը

«Փոփոխություններն անում են նրա համար, որ վաղը մյուս օրը Ստեփանակերտն էլ հանձնեն՝ մի մարդ դուրս չգա իրենց խմբակցությունից, բոլորը լուռ ու մունջ նայեն իմաստուն առաջնորդի դեմքին»,- ԱԺ ճեպազրույցների սրահում հայտնեց «Լուսավոր Հայաստան» խմբակցության ղեկավար Էդմոն Մարուքյանը՝ ներկայացնելով Ընտրական օրենսգիրքը փոխելու իշխանության մոտիվացիան:

Ըստ Մարուքյանի՝ իշխանությունը տեսավ, որ Շուշին հանձնելուց հետո խմբակցությունից 5 պատգամավոր դոгրս եկավ, որոնց մեծ մասը ռեյտինգային ընտրակարգով ընտրվածներ են և ունեն շրջապատ, որտեղ նրանց սիրում են և հшմա փորձում են բացառել խմբակցությունը լքելու նման հնարավորությունը:

Նրա խոսքով՝ Սահմանադրությամբ նախատեսված է, որ պետք է ընտրվի խորհրդարան, որն էլ ընտրելու է վարչապետ, իսկ ներկայացված նախագծով իշխանությունները հակառակ ճանապարհով են գնում:

Պատգամավորի ներկայացմամբ՝ կառավարությունը ԱԺ է բերել մի նախագիծ, որով ժողովուրդը ընտրում է 1-ին համարին՝ վարչապետին, վերջինս էլ նշանակում է պատգամավորներ՝ իր դասընկերներից, ընկերներից, իր մոտ աշխատած լրագրողներից:

«Իրենք ասում են՝ ժողովուրդ ջան, երբ որ ես թողնում եմ, որ դու որոշես, թե ով է պատգամավոր ընտրվելու, դու հանցագործներ ես բերում խորհրդարան»,- հիշատակելով օրենսգրքի փոփոխման նախագծի վերաբերյալ խորհրդարնական մեծամասնության ներկայացրած փաստարկը՝ Մարուքյանը հարց ուղղեց, թե արդյո՞ք նման բան կարելի է ասել ժողովրդին:

«Լուսավոր Հայաստան» խմբակցության ղեկավարի խոսքով՝ նախագիծը մասնակցային ժողովրդավարության «հերն անիծելու»  ճանապարհ է, քանի որ առաջարկում են, որ ընտրողը քվեարկի կուսակցությանը կամ դաշինքին, իսկ թե ո՞վ այդ ցուցակից պատգամավոր կնշանակվի՝ որոշելու է լիդերը:

Նա նկատեց, որ Ընտրական օրենսգրքով ցանկանում են կռիվը գցել Նիկոլ Փաշինյանի և նախկին իշխանության միջև, ինչը Փաշինյանի երազանքն է եղել ու մնում:

Անդրադառնալով իշխանական պատգամավորների այն հիմնավորումներին, թե փոփոխությունների արդյունքում ընտրարշավի ժամանակ առաջնային կդառնան գաղափարները՝ Մարուքյանը նկատեց. «Իրենց առաջնորդը գնացել մարզերում ասել է գայլերը և գելխեղդները՝ իրենց պատգամավորները ԱԺ ամբիոնից ասում են, որ ընտրապայքարում գաղափարներ են ներկայացվելու»:

Նա պնդեց, որ առանց ընդդիմության Ընտրական օրենսգիրք փոխելը ի սկզբանե ընտրությունների լեգիտիմությունը դնում է կասկածի տակ:

Էդմոն Մարուքյանը լրագրողներին հայտնեց, որ ամենայն հավանականությամբ «Լուսավոր Հայաստան»-ի նախընտրական շտաբը կղեկավարի Դավիթ ԽաԺակյանը և նույն ձևով  կվերագործարկվի ընտրական արշավի այն համակարգը, որը եղել է նախորդ ընտրություններին:

Պատգամավորը նաև հայտնեց, որ հանդիպում են պատգամավորության թեկնածուների հետ,  սակայն կուսակցական ցուցակը դեռ չեն գրել: