Ձեր վստահելի աղբյուրը

«Շատ լավ հիշում ենք այն ժամանակները, երբ ձեր կողմից խափանման միջոցը մնում էր անփոփոխ։ Իսկ պատճառաբանությունները վերաբերում էին բացարձակապես 300․1 հոդվածին»,- Ընդհանուր իրավասության դատարանում սահմանդրության ենթադրյալ տապալման գործով նիստում ասաց  փաստաբան Արամ Վարդևանյանը։

«Ստեղծված իրավիճակում գտնում ենք, որ խափանման միջոցն առհասարակ ենթակա է վերացման»,-հայտարարեց փաստաբանը ։

 Դատախազ Գևորգ Բաղդասարյանն էլ նիստում ասաց․«Նկատի ունենալով որ ՔՕ 300․1 հոդվածը ճանաչվել է անվավեր և ուժը կորցրել է , առաջ է եկել քրեական հետապնդումը բացառող հանգամանք ՝ այն է արարքի մեջ հանցակազմ չկա , որի  դեպքում դատարանը պետք է դադարեցի քրեական հետապնդումը»։

Չնայած դրան, մեղադրող կողմի ներկայացուցիչը  հայտարարեց․«Պաշտպանության կողմից ներկայացված միջնորդությունը պետք է մերժվի։ Դատարանը պետք է խորհրդակցական սենյակում որոշում կայացնի Յուրի Խաչատուրով նկատմամբ ընտրված խափանման միջոցը՝ գրավը  վերացնելու մասին։ Սեյրան Օհանյանի նկատմամբ ՝ որպես խափանման միջոց ընտրված չհեռանաու մասին ստորագրությունը վերացնելու մասին և որոշում կայացնի դիմել Սահմանադրական դատարան ՝ իր կողմից խորհդակցական սենյակում կիրառման ենթակա և 35-րդ հոդվածի 1-ին մասի, 5-րդ մասի և 266 հոդվածի 2-րդ մասի դրույթների ՀՀ սահմանադրության համապատասխանելության հարցը որոշելու նպատակով»,- ասաց  Գևորգ Բաղդասարյանը։

Ինչ վերաբերում է Ռոբերտ Քոչարյանի նկատմամբ խափանման միջոցին , ապա Բաղդասարյանն ասաց․«Նկատի ունենալով, որ Ռոբերտ Քոչարյանին առաջադրված մեղադրանքը միայն 300․1 հոդվածով չէ, առաջադրված է նաև այլ մեղադրանք։ Ասածս վերաբերում է նաև Արմեն Գևորգյանին։ Հետևաբար նրանց մասով ընտրված խափանման միջոցները  վերացվել չեն կարող։ Դրանք պետք է պահպանեն իրենց դատավարական ապահովող նշանակությունը»։

ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանն էլ արձագանքեց․

«Մենք միջնորդություն ենք ներկայացնել  քրեական հետապնդումը դադարեցնել 300․1 հոդվածով ։ Մի շաբաթ հետո դատախազները միջնորդության վերաբերյալ կարծիք են հայտնում ՝ պահանջելով մերժել միջնորդությունը։ Պատկերապնո՞ւմ եք, հոդվածը չկա , դատախազները մեր միջնորդության վերաբերյալ կարծիք են հայտնում և խնդրում մերժել միջնորդությունը։ Դուք  պատկերացնում եք, թե ուր ենք եկել հասել։   Ուրեմն՝ քրեկան հետապնդումը միջնորդել են վերացնել գոյություն չունեցող հոդվածով մեղադրողը վեր է կացել  առարկում է, ասում է մի դադարեցրեք քրեական հետապնդումը։Դուք պատկերացնում եք ուր ենք իջել»,- ասաց Ալումյանը։

Իր հերթին փաստաբան Արամ Վարդևանյանն էլ նկատեց․

«Մենք այս օրը հիշելու ենք, որ 300․1 հոդվածը գոյություն չունի , բայց  պրն․ Բաղդասարյանը գտնում է, որ քրեական հետապնդումը դադարեցնելու միջնորդությւոնը ենթակա է մերժման։ Որովհետև գոյություն չունեցող հոդվածով պետք է Աննա Դանիբեկյանը ընկնի քրեաիրավական ռեժիմի տակ, վարույթ կասեցնի, ինչ է թե դատախազները չեն ուզում ընդունել, որ սխալվել են»։ 

Նիստն ավարտվեց։ Դատարանը հեռացավ խորհրդակցական սենյակ։ Որոշումը կհրապարակվի ապրիլի 6-ին։