Ձեր վստահելի աղբյուրը

Ընդհանուր իրավասության դատարանում քիչ առաջ վերսկսեց սահմանդրական ենթադրյալ տապալման գործով նիստը, որն ընդմիջվել էր ԶՈՒ ԳՇ նախկին պետ Յուրի Խաչատուրովի, նրա փաստաբան Միհրան Պողոսյանի, պաշտպանության նախկին նախարար Սեյրան Օհանյանի և նրա փաստաբան Կարեն Մեժլումյանի նիստերի դահլիճը լքելու պատճառով։

Դատավոր Դանիբեկյանը դիմեց մեղադրող կողմին դիրքորոշում հայտնելու համար։

«Քրեական դատավարության օրենսգրքի 6-րդ հոդվածից սկսած, որով սահմանվում են դատավարական հասակացությունները, դրանց վերլուծությունից ակնհայտ է, որ վարույթը շարունակվում է, քանի դեռ դրա վերաբերյալ վերջնական որոշում չի կայացվել։ Քրեական դատավարության օրենսգրքի 35 հոդվածի, 366 հոդվածի վերլուծությունից ակնհայտ է, որ դատարանը քրեական հետապնդումը բացառող հանգամանքի առկայության պայմաններում պետք է քննարկի ու որոշում կայացնի դատական նիստում։ Այսօր գործով երկու ամբաստանյալների ու նրանց պաշտպանների բացակայության պատճառով դատարանն այդ հարցը, ըստ էության, չի կարող քննարկել»,-ասաց դատախազ Բաղդասարյանը։

Նրա ելույթը բարկացրեց ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանին։

«Հարգելի դատարան, զեկուցվեց, որ ամբաստանյալներն ու պաշտպանները չկան։ Հետաքրքիր կլիներ իմանալ, ո՞ր հոդվածներով են ամբաստանվում և ինչի՞ց են պաշտպանները պաշտպանում։ Խնդրում եմ, սա զավեշըի չի կարելի վերածել, ի՞նչ ամբաստանյալ, ո՞ր հոդվածով։ Ի՞նչ ամբաստանյալի մասին է խոսքը, երբ խոսվում է Յուրի Խաչատուրովի, Սեյրան Օհանայնաի մասին, ինչի՞ց են պաշտպանում նրանց, եթե մեղադրանքը չկա։ Էս ո՞ւր ենք հասել»,-ասաց Հայկ Ալումյանը։

Նա նշեց, որ այս պահին իր պաշտպանյալի նկատմամբ քրեական հետապնդում է իրականացվում մի հոդվածով, որը գոյություն չունի։

«եթե Յուրի Խաչատուրովն ու Սեյրան Օհանայնը որոշեն էլ չգալ, մենք չե՞նք կարողանալու իրացնել մեր օրինական շահերը։ Էս ինչի՞ եք վերածել օրենսդրությունը, էս ի՞նչի եք վերածել դատարանը։ Ես պահանջում եմ՝ հենց հիմա քրեական հետապնդումը դադարեցրեց Քրեական օրենսգրքի 300.1 հոդվածով, մնացած հարցերը՝ հետո»,-ասաց Ալումյանը։

Փաստաբան Արամ Վարդևանյանն էլ իր խոսքում ընդգծեց, չի կարող որևէ ընթացակարգային նորմ խոչընդոտ հանդիսանալ Սահմանդրական դատարանի որոշման կատարաման համար։ Նա ընդգծեց, որ ՍԴ որոշումը նշանակում է՝ չկա վարույթ։

«Հարգելի դատարան, դուք ունեք պարտականություն, որը որևէ կերպ փոխկապակացված չէ Յուրի Խաչատուրովի, Սեյրան Օհանյանի, նրանց պաշտպանների ներկայությամբ, դատախազների ներկայությամբ, մեր ներկայությամբ»,-ասաց Վարդևանյանը՝ ավելացնելով, որ նրանք այսօր դատարանի դահլիճում են միայն մի պատճառով, որ Ռոբերտ Քոչարյանի ու Արմեն Գևորգյանի նկատմամբ  զուգահեռաբար առաջադրված է նաև այլ մեղադրանք։

Փաստաբանը հիշեցրեց՝ ՍԴ որոշումները, որպես դատական վերջնական ակտեր, ընդունվում են ՀՀ անունից , որոնց կատարումը որպես իրավական ակտ երաշխավորված է օրենքով ու ապահովված է պետական հարկադրանքի ուժով։

Նիստին կարող եք հետևել  Yerevan. Today-ի ուղիղ հեռարձակմամբ։