Ձեր վստահելի աղբյուրը

Կովկասում և Ղարաբաղում Թուրքիայի նախագահ Ռեջեփ Թայիփ Էրդողանի սադրիչ քաղաքականության շրջանակներում, հայտարարել է, որ նա Ռամադանից (մահմեդական ծոմ պահելու ամիս) հետո կմեկնի Շուշի քաղաք: Բաքվի ԶԼՄ-ներն ակտիվորեն գովազդում են այցը։ Այս մասին գրում է իրանական Pars Today-ը։

«Վերջերս «Ատլաս» հետազոտական ​​կենտրոնի տնօրեն Ալխան Շահին Օղլուն Բաքվի լրատվամիջոցներին հայտնեց, որ Էրդողանի այցը Շուշի անհրաժեշտ է Ադրբեջանի ինքնիշխանությունն ամրապնդելու համար:

Ավելի վաղ,  թյուրքալեզու  երկրների վերջերս կայացած գագաթնաժողովում, Ադրբեջանի նախագահ Իլհամ Ալիևը կրկնել էր իր թուրք գործընկեր Ռեջեփ Թայիփ Էրդողանի հետ Շուշի մեկնելու ցանկությունը:

Միևնույն ժամանակ, Ադրբեջան Ազար Թաջ պաշտոնական լրատվական գործակալությունը հաղորդում է Շուշիի վերանորոգման և վերակառուցման գործընթացում առաջընթացի մասին, իսկ  ոչ պաշտոնական լրատվամիջոցները հայտնում են նաև քաղաքում հյուրանոցների կառուցման նախագծերի մշակման մասին։

Շուշիում նախատեսվում է կառուցել 12 հինգաստղանի հյուրանոցներ, որից մեկը կրելու է «Ղարաբաղի հաղթանակը»  անունը: Բաքվի ԶԼՄ-ները  հյուրանոցի մակետից լուսանկրաներ են հրապարակել, որոնցում երևում է, որ մուտքի վերևի մասում, կենտրոնում տեղադրված են Թուրքիայի և Իսրայելի դրոշները, իսկ Ադրբեջանի  և Պակիստանի դրոշները գտնվում են դրանց կողքին։

Նախկինում տարածվել էին լուրեր՝ տարածաշրջանի ժողովրդագրական և կրոնական համատեքստը փոխելու  թուրքական ծրագրերի մասին:

Բաքվի պաշտոնյաները և ԶԼՄ-ները հայտարարել են նաև, որ այս տարածքների վերակառուցումը կվստահվի հրեական և իսրայելական ընկերություններին`  «խելացի քաղաքներ և գյուղեր» ստեղծելու համար»,- գրում է կայքը։