Ձեր վստահելի աղբյուրը

Ուկրաինայի պատվիրակությունը չի մեկնի Մինսկ՝ Դոնբասի վերաբերյալ Եռակողմ շփման խմբի բանակցությունների համար, եթե դրանք վերսկսվեն դեմառդեմ ֆորմատով։ Այս մասին, Ria-ի հաղորդմամբ, ասել է Ուկրաինայի ժամանակավորապես գրավյալ տարածքների նախարար Ալեքսեյ Ռեզնիկովը:

«Մենք հայտնել ենք, որ չենք մասնակցի շփման խմբի հանդիպումներին, եթե կարանտինը հանկարծ այսօր ավարտվի, և առաջարկվի շարունակել խորհրդակցությունները, ինչպես նախկինում, Մինսկում: Մենք բացատրեցինք, որ ուկրաինական պատվիրակությունը չի ուղարկի իր պատվիրակության անդամներին Մինսկ: Իրական կյանքում դա անելու համար պետք է փնտրել այլ երկիր, մեկ այլ քաղաք», - ասել է նա:

Ռեզնիկովի խոսքերով, դա կապված է ոչ թե այն բանի հետ, որ բողոքի ցույցեր են տեղի ունենում Մինսկում, այլ այն բանի համար, որ Բելառուսը ենթադրաբար գտնվում է Ռուսաստանի ազդեցության տակ, իսկ Կիևը «վստահություն չունի այդ տարածքի նկատմամբ»:

Եռակողմ շփման խումբը Մինսկում բանակցություններ է վարում 2014 թվականից: Համաճարակի պայմաններում դրանք անցնում են տեսակապի միջոցով: Միևնույն ժամանակ, ուկրաինական պատվիրակության ղեկավար, Ուկրաինայի առաջին նախագահ Լեոնիդ Կրավչուկը նախապես հայտարարել էր, որ հնարավոր է համարում հարթակի տեղափոխումը Բելառուսից Շվեդիա, եթե Մինսկում երկխոսություն վարելու հնարավորությունը կորում է բողոքի ցույցերի պատճառով։
Բացի այդ, անցյալ շաբաթ նա հանդես եկավ կոշտ հայտարարությամբ՝ Բելառուսն անվանելով Ռուսաստանի լակեյ, իսկ Ուկրաինան՝ թշնամի։

Վերջերս իրավիճակը Դոնբասում կտրուկ վատթարացել է: ԵԱՀԿ-ն հաղորդում է հրադադարի ռեժիմի խախտման դեպքերի զգալի աճի մասին, զինյալները ասում են, որ Ուկրաինայի զինված ուժերը ռազմական տեխնիկան դուրս են բերում շփման գիծ ու գնդակոծության ժամանակ հրետանի են օգտագործում: Անցյալ շաբաթվա վերջին Ալեքսանդրովսկոե գյուղում ուկրաինական անօդաչու թռչող սարքի հարձակման արդյունքում երեխա էր զոհվել, կին էր վիրավորվել: Իսկ Դոնբասում ընթացող հակամարտության ընդամենը յոթ տարվա ընթացքում, ըստ ՄԱԿ-ի, զոհվել է շուրջ 13 հազար մարդ:
Անցյալ շաբաթ Ուկրաինայի իշխանությունները կրկին մեղադրեցին Մոսկվային ռազմական բախման նախապատրաստվելու մեջ: Ռուսաստանի արտաքին գործերի նախարարությունը դա որակել է Կիևի մեկ այլ հորինվածք`շեշտելով, որ Մոսկվան շահագրգռված չէ Ուկրաինայի հետառճակատման մեջ,  հատկապես ռազմական, և ակնկալում է, որ Ուկրաինան նույնպես հակամարտություն չի հարուցի: