Ձեր վստահելի աղբյուրը

«Այսօր մեր կանայք ցույց տվեցին, որ առաջնագծում են. բոլորս տեսանք ոստիկանության վայրագությունները»,- այսօր կառավարության դիմաց «ՎԵՏՕ» շարժման կանանց ակցիայի ժամանակ լրագրողների հետ զրույցում նշեց ԱԱՊՎ նախկին ղեկավար, քաղաքական գործիչ Դավիթ Շահնազարյանը:

Նրա խոսքով, ոստիկանությունը ոչ մի բանով չի տարբերվում այն ջիհադիստներից, որոնք կռվում էին հայ տղաների դեմ:

«Ոստիկանությունն է մնացել միակ հենարանը այս պետական դավաճանի իշխանությանը: Սրանք նույն վարձկաններն են, ինչ որ ջիհադիստները: Հպարտանում եմ մեր կանանցով: Կարևորն այն է, որ հիմա մենք չհոգնենք: Հայաստանը պետք է ազատվի պետական դավաճաններից և պետական դավաճանները պետք է կանգնեն դատարանի առջև»,- շեշտեց նա:

Հիշեցենք, որ այսօր «ՎԵՏՕ» շարժման կին ակտիվիստները բողոքի ակցիա էին իրականացնում կառավարության շենքի դիմաց։ Նրանք նշում էին, որ գործող իշխանությունները թուրք են, և իրենք պետք է թուրքական ֆեսը դնեն իշխանավորների գլխին։

Սակայն կառավարության շենք մուտք գործել նրանց չհաջողվեց։ Ոստիկանները բռնի ուժ կիրառեցին կանանց նկատմամբ, ապա նրանցից ոմանց բերման ենթարկեցին։