Ձեր վստահելի աղբյուրը

Մեդիամոնիտորինգի MaxMonitor ընկերությունը հրապարակել  է «ՀՀ բանկերը ԶԼՄ-ներում» եռամսյակային հաշվետվությունը, որի արդյունքներով ՎՏԲ-Հայաստան Բանկը շարունակում է լինել առաջատարը ԶԼՄ-ներում ունեցած հիշատակումների քանակով: Հիշատակումների ընդհանուր թիվը 393 է, ինչը կազմել է 2021թ. առաջին եռամսյակում հրապարակումների 41%-ը:

Բանկի տարածած հաղորդագրության համաձայն, 2021թ․ առաջին եռամսյակի կտրվածքով ՎՏԲ-Հայաստան Բանկն առաջատար է նաև ԶԼՄ-ներում ունեցած  դրական հիշատակումների թվով (294 հրապարակում)  և թերթերում հիշատակումների թվով (57 հրապարակված հոդված):

Բանկից հիշեցնում են, որ 2020թ.-ի վերջին երկու եռամսյակների  արդյունքներով ՎՏԲ-Հայաստան Բանկը նույնպես առաջատար է եղել ՀՀ բանկերի շարքում` ԶԼՄ-ներում ունեցած հիշատակումների և դրական հիշատակումների ցուցանիշներով:

«Մենք առանձնահատուկ կարևորություն ենք տալիս հաճախորդների իրազեկմանը նորություններին, նոր պրոդուկտներին և ծառայություններին, հատուկ առաջարկներին և Բանկի կողմից իրականացվող ակցիաներին և օգտագործում ենք տեղեկատվության տարածման  կապի բոլոր հիմնական հարթակները՝ մեր հաճախորդներին առավելագույնս տեղեկացնելու նպատակով»,-ասված է հաղորդագրության մեջ։

MaxMonitor համակարգը, վերահսկելով Հայաստանի բոլոր առևտրային բանկերի հրապարակումներն, իրականացնում է մոտ 150 հայկական լրատվական կայքերի, 16 անուն թերթերի  և 12 հեռուստաընկերությունների լրատվական հաղորդումների մոնիտորինգ՝ ՀՀ 17 առևտրային բանկերի գծով: 

Բանկը վերահսկվում է ՀՀ ԿԲ կողմից: