Թուրքիայում ռուս զբոսաշրջիկներով ավտոբուս է վթարի ենթարկվել

Հասարակություն 16:19 10/04/2021 Տարածաշրջան

Թուրքիայում ռուս զբոսաշրջիկներով ավտոբուս է վթարի ենթարկվել

Թուրքիայում ռուս զբոսաշրջիկներ տեղափոխող ավտոբուսը վթարի է ենթարկվել։ «Ռիա Նովոստի» գործակալության փոխանցմամբ, վթարի հետևանքով տուժել է 26 ռուս, ևս մեկ ուղևոր մահացել է։

Ավտոբուսն Անթալիայից շարժվում էր դեպի Կապադովկիա։ Վթարը տեղի է ունեցել այսօր առավոտյան Քոնյայի մայրուղու վրա։

Ռուսական լրատվամիջոցները հրապարակել են ավտոբուսի վթարի ենթարկվելու պահը։ Դեպքի վայր են ժամանել փրկարարներ ու շտապ օգնության աշխատակիցներ։ Տուժածները տեղափոխվել են Քոնյա և Սելչուկ քաղաքների հիվանդանոցներ։

Անկարայում Ռուսաստանի դեսպանատանը վթարի վերաբերյալ ևս տարածել է հայտարարություն, գրում է «Ինտեֆաքս»-ը:

Ինչպես նշված է դեսպանատան Facebook-ի պաշտոնական էջում տեղադրված հաղորդագրության մեջ, 32 ռուսաստանցի զբոսաշրջիկ Անթալիա տեղափոխող ավտոբուսի վթարը տեղի է ունեցել այսօր՝ առավոտյան 9:30-ին, Քոնիա-Աքսարայ մայրուղու վրա: Ճանապարհատրանսպորտային պատահարի հետևանքով վիրավորվել է Ռուսաստանի 14 քաղաքացի:

Դեսպանատնից հայտնել են, որ իշխանությունները հաստատել են ռուս զբոսաշրջիկներից մեկի մահը:

Տուժածները տեղափոխվել են Կոնիա և Սելչուխան բնակավայրերի մոտակա հիվանդանոցներ, նրանց տրամադրվում է շտապ բժշկական օգնություն:

Անթալիայի իրավապահ մարմիններից գլխավոր հյուպատոսության ստացած նախնական տեղեկությունների համաձայն, եղանակային վատ պայմանների պատճառով ավտոբուսի վարորդը մերկասառույցի վրա կորցրել է կառավարումը, մեքենան ընկել է փոսը և շրջվել:

Անկարայում Ռուսաստանի դեսպանության երկու աշխատակիցներ դեպքի վայր են մեկնել տուժած ռուսներին հյուպատոսական օգնություն ցույց տալու և դեպքի հանգամանքները պարզելու համար:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: