Ձեր վստահելի աղբյուրը

«Նոյեմբերի 9-ին վարչապետի աթոռին գտնվող անձը եռակողմ հայտարարությունը ստորագրելով հանձնել է տարածքները՝ դեռ ողջ և մարտերի մասնակցող զինվորների հետ միասին»,-մամուլի ասուլիսում նկատեց  ՀՀ առաջին օմբուդսմեն Լարիսա Ալավերդյանը և հանցագործություն համարեց, որ այդ ժամանակ այնտեղ գտնվող զինծառայողներին տարածքներից կազմակերպված դուրս բերելու պայմանավորվածություններ ձեռք չեն բերվել:

Օմբուդսմենը նկատեց, որ այդքանից հետո Նիկոլ Փաշինյանը ցինցիկ ձևով նորից ցանկանում է գերիների չվերադառնալու մեղավորությունը դնել մեկ այլ կողմի՝ մասնավորապես ՌԴ-ի ղեկավարության վրա:

Նա նկատեց, որ այսօրվա գերիների խնդիրը ամբողջովին  տարբերվում է 90-ական թվականների գերեվարվածների խնդրից և շեշտեց, որ շատ վիրավորական է նախորդ պատերազմի հետ համեմատությունները:

«90-ականների գրիները հետևանք էին կատաղի մարտերի, որոնք ավարտվել են հաղթանակով, իսկ այսօրվա գերիները ոչ մի կապ չունեն պատերազմական իրավիճակի հետ»,- հայտարարեց Ալավերդյանը:

Նա համոզմունք հայտնեց, որ ներկայիս իշխանությունները ՌԴ-ի, Ադրբեջանի և միջազգային սուբյեկտների մոտ չունեն այն  հեղինակությունն ու հարգանքը, որպեսզի դիմեն նրանց և կարողանան հարցը շարժել տեղից:

Ըստ Ալավերդյանի՝ Ադրբեջանում պահվողների մի խումբն էլ գերեվարվել են պատերազմից հետո:

«Դեկտեմբերին ինչ-որ մեկի հրամանով գնացել են Հադրութ՝ այն հողերի վրա պայքարելու, որոնք չէին անցել Ադրբեջանին և գերագույն գլխավոր հրամանատարի օրոք այդ տարածքներն հանձնվեցին Ադրբեջանին՝ այդ զինվորներ հետ միասին»,- հայտնեց բանախոսը և շեշտեց, որ  պատասխանատվությունը դրվում է իշխանությունների վրա:

Նա հայտնեց, որ գերիների հարցով ներկայում զբաղվում են միայն մի խումբ իրավաբաններ, որոնք դիմում են տարբեր միջազգային մարմինների:

Լարիսա Ալավերդյանի խոսքով՝ կա մի խումբ գերիներ, որոնք ադրբեջանցիների կողմից դիտվում են որպես դիվերսանտներ, և եթե պետք է դատվեն, ապա հայկական կողմը պետք է դիմի միջազգային մարմիններին և Ադրբեջանին, որ նրանք պարտավորվեն տղաներին տրամադրել իրենց կամ իր հարազատների կողմից վստահված դատապաշտպաններ:

«Սա Ադրբեջանին կբերի մի դաշտը, երբ նա կարող է հակադրվել միջազգային հանրությանը և իրավունքին»,- նկատեց ՀՀ նախկին օմբուդսմենը:

Անդրադառնալով իշխանությունների գործողություններին՝ Լարիսա Ալավերդյանը նկատեց, որ նրանք վաղուց արդեն ժողովրդավարության ճանապարհով չեն գնում և դա ակնհայտ դարձավ այն ժամանակ, երբ Փաշինյանը ԱԺ եկավ զիված խմբող և ՀՀՇ-ի նախկին կարկառուն դեմքերը զիվածներին ցույց էին տալիս հարակից փողոցում ցույց անողների շրջանում հնարավոր թիրախներ:

«Հյուսիսային Կորեայինց շուտով կգան այստեղ պրակտիկայի, այս նոր իշխանություն իրեն կոչող խունտայի մոտ»,- հայտարարեց իրավապաշտպանը և նկատեց, որ Հայաստանի միապետության այս բացարձակ ձևը չկա ոչ մի այլ երկրում: