Նիկոլին պետք է հաղթել մինչև ընտրությունները. Գառնիկ Իսագուլյան

Քաղաքական 13:27 13/04/2021 Հայաստան

Նիկոլին պետք է հաղթել մինչև ընտրությունները. Գառնիկ Իսագուլյան

«Նիկոլը թքած ունի Սահմանադրության, օրենքների, դատարանների որոշումների վրա: Նման պարագայում ընդդիմության խնդիրն է լինել ավելի ագրեսիվ»,- ասուլիսում ասաց «Ազգային անվտանգություն» կուսակցության նախագահ Գառնիկ Իսագուլյանը:

Նրա խոսքով, հանրությունը եթե տեսնի, որ ընդդիմությանը միավորված շատ ավելի մեծ ճնշում է գործադրում հայրենիքը ծախողների նկատմամբ…, ցավոք սրտի չի տեսնում:

Գ.Իսագուլյանի խոսքով, Նիկոլին պետք է հաղթել մինչև ընտրությունները, քանի որ եթե ժողովուրդը ոտքի չկանգնեց 7000 անմեղ երեխա սպանելու, հայրենիքը ծախելու համար, ընտրությունները կեղծելու դեպքում ոտքի կկանգնի՞:

«Նիկոլի համար ընտրությունը կյանքի ու մահվան կռիվ է: Այն ստիմուլը, որ ունի Նիկոլն իշխանությունը պահելու համար, շատ ավելի մեծ է, քան այն ստիմուլը, որով ընդդիմությունն ուզում է իշխանությունը վերցնել: Դրա համար մենք պետք է հասկանանք, որ մեզ համար էլ մահվան ու կյանքի կռիվ է: Այս դեպքում մեծամասնությունը կթեքվի դեպի ընդդիմության կողմ»,- ասաց Իսագուլյանը:

Նա նշեց, որ միայն հանրահավաքներին ելույթ ունենալու մեթոդը չի աշխատի:

«Այս մարդն արդեն գնացել է մեր զոհված երեխաների դիակներն առնելու: Նիկոլը սրբություն չունի, հիմա սրբություն չունեցող մարդու հետ սահմանադրական ճանապարհով գնում ենք ընտրության: Չեմ ասում՝ օրենք խախտել, բայց գոնե մեջները մի քիչ ագրեսիվություն լինի»,- ասաց նա:

Գ.Իսագուլյանի խոսքով, գերխնդիրը չէ լինել ընտրական ցուցակում, այլ մեծ ճակատով գնալ ընտրության, որպեսզի հենց ընտրության սկզբից հաղթես:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: