Փաշինյանն ինքն իրեն ծախեց, որ արտահերթ ընտրություններով չեն կարող իշխանություն պահել. Մանուկյան

Քաղաքական 16:31 14/04/2021 Հայաստան

Փաշինյանն ինքն իրեն ծախեց, որ արտահերթ ընտրություններով չեն կարող իշխանություն պահել. Մանուկյան

«Ընդդիմությունը չգնաց զիջումների»,- Դեմիրճյան փողոցում լրագրողների հետ զրույցում ասաց ՀՅԴ ԳՄ անդամ Գեղամ Մանուկյանը:

Նա նշեց, որ եթե իշխանությունը խոսում է արտահերթ ընտրությունների մասին, դա իշխանության բարի կամքի դրսևորում չէ, այլ Հայրենիքի փրկության շարժան անդադար պայքարի արդյունք:

«Մի կարևոր արձանագրում անեմ. չկա արտահերթ խորհրդարանական ընտրություններ, չկա վարչապետի հրաժարական, նշանակված չէ ընտրության օր՝ հաստատված Բաղրամյան 26-ում: Վստահություն չկա, որ լինելու են արտահերթ ընտրություններ:
Մի քանի ամիս առաջ էլ խոսեցին արտահերթ ընտրությունների մասին, հետո հայտարարեցին հանրության շրջանում ցանկություն չկա: Հայրենիքի փրկության շարժման կողմից հենց մի քիչ ուժեղ պայքար եղավ, միանգամից հիշեցին փրկօղակը՝ արտահերթ ընտրությունները:

Չլիներ փողոցային պայքարը, ամբողջ երկրով քաղաքական պայքարն այս իշխանության հեռացման համար, Փաշինյանը որևէ արտահերթ ընտրությունների մասին չէր էլ մտածի»,- ասաց Գ.Մանուկյանը:

Ըստ նրա, Նիկոլ Փաշինյանն ինքն իրեն ենթագիտակցորեն ծախեց. «Իրենք գիտակցում են, որ լինի էլ արտահերթ ընտրություններ, այդ ընտրություններում չեն ունենալու կարևոր մասնակցություն: Փաշինյանն ասում է՝ եթե իշխանության մասին մտածեինք, արտահերթ ընտրությունների չէինք գնա: Ինքն իրեն է ծախսում, որ արտահերթ ընտրություններով չեն կարող իշխանություն պահել: Մնալու են պատմության աղբանոցում»:

Գ.Մանուկյանը նշեց, որ Հայրենիքի փրկության շարժումը կա, պայքարն էլ չի դադարել, շարունակվում են Շարժման մարզային հանդիպումները, և պարտադիր չէ, որ դրանք անպայման լուսաբանվեն:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: