Ձեր վստահելի աղբյուրը

Պետք է արձանագրենք, որ նախագահի աճող վարկանիշը հասարակության առողջացման կամ սթափության վերադարձի լավագույն ցուցիչն է։ Այս մասին «5-րդ ալիք» հեռուստաընկերությանը տված հարցազրույցում ասել է   Հայաստանի երկրորդ նախագահ Ռոբերտ Քոչարյանի գրասենյակի ղեկավար, քաղաքագիտության դոկտոր Վիկտոր Սողոմոնյանը։

«Մարդիկ հասկացան, որ կեղծիքները շատ էին։ Հասկացան,որ կա պետական գործիչ, որը պահպանել է իր քաղաքական, հասարական, այդ թվում ՝տարածաշրջանային աղդեցությունը, որի վերաբերյալ կային մեղադրանքներ։ Մեղադրանքները հօդս ցնդեցին։ Այս իշխանությունները երեք տարի ունենալով բոլոր հնարավորությունները հետաքննելու, հետազոտելու, փորփրելու , չկարողացավ հայթայթել մի բան, որով կկարողանար ասպարեզից հեռացնել այս տրամաչափի պետական և քաղաքական գործչին, ուղղակի չկարողացավ»,- ասել է Սողոմոնյանը։

Նա նաև անդրադարձել է սպասվող ընտրություններին, հայտնելով, որ կա ծրագիր և թիմը, հիմա նաև քննարկումներ են ընթանում, հետագա անելիքների մասին կիրազեկեն։ 
Հարցազրույցը  «5-րդ ալիք»-ի եթերում կլինի այսօր, ժամը՝  22:20-ին։