Ձեր վստահելի աղբյուրը

«Նիկոլական թիմն այժմ զբաղված է Ադրբեջանի հետ Բարեկամության և Համագործակցության մասին պայմանագրի մշակմամբ։ Այն, ինչ ժողովրդի լեզվով կոչվում է խաղաղության պայմանագիր։ Իսկ փաստերի լեզվով՝ կապիտուլյացիայի ամրապնդում՝ միջազգային իրավունքի մեխանիզմներով: Եվ սա նրա առաքելության վերջին ակորդն է»,- Տելեգրամ ալիքում գրել է  Սուրբ Աթոռում ՀՀ նախկին դեսպան Միքայել Մինասյանը

«Հայաստանի և հայկական շահերին դավաճանելու առաքելություն բոլոր այն մարդկանց ձեռքերով, որոնք նրան իշխանության են բերել` տարածաշրջանային և գլոբալ ուժային կենտրոններից մինչև Հայաստանի շարքային քաղաքացիներ, որոնք անվերապահորեն հավատացել էին նրան և վստահել իրենց երազանքների իրականացումը և հիմա փորձում են գոնե ինչ-որ բան հասկանալ իրենց շրջապատող քաոսից:

Եվ թող ձեզ չթվա, որ այդ պայմանագրի մշակումը իրավիճակային որոշում է։ Նիկոլի դավաճանության էությունը հենց այն է, որ նա մեթոդաբար և նպատակաուղղված գնում էր դրան։ Այդ ծրագրի իրականացման համար նրան պետք էր բարոյալքված և գլխատված բանակ,  նա դրան մեթոդաբար հասավ, վերահսկվող խորհրդարան, դրան էլ հասավ, խամաճիկային իշխանություն Արցախում և տոտալ պարտված պատերազմ. մենք մինչև հիմա այն մարսում ենք՝ վրդովվելով անգործությունից, ստերից ու ցինիզմից։

Կապիտուլյացիայից հետո նրա համար կենսական կարևորություն ուներ իշխանության մնալը, և մեր հասարակության երեսպաշտությունը, որը հանգեցրել է ընդդիմության անգործությանն ու թուլությանը, նրան տվել է այդ հնարավորությունը:

Իր առաքելությունն ավարտելու համար նրան պետք է վերահսկելի խորհրդարան, որը նա հույս ունի ստանալ հունիսին` ընտրությունները կեղծելով, իր կողմից ղեկավարվող կառավարություն, որը կնշանակեն այդ վարժեցված պատգամավորները և Սահմանադրական դատարանը, որը Հրայր Թովմասյանի պաշտոնանկությունից հետո կատարում էր բոլոր, կրկնում եմ Նիկոլի Բոլոր  հրահանգները։

Ավելին, այս գործում նա վայելում է բոլոր արտաքին դերակատարների՝ Թուրքիայի, Ռուսաստանի, Ադրբեջանի աջակցությունը, լուռ մնացող ԱՄՆ-ի և Ֆրանսիայի աջակցությունը, ՄԱԿ-ի Անվտանգության խորհրդում Ադրբեջանի դեմ պատժամիջոցները արգելափակող Մեծ Բրիտանիայի աջակցությունը: Անգամ Սորոսի գլոբալիստական նախագիծը սատարում է այս գործընթացին: Արտաքին բոլոր խաղացողները պատրաստ են Հայաստանի ապագայի գնով ապաշրջափակել տարածաշրջանը, բացառությամբ, թերևս, Ռուսաստանի, որը չի շտապում աջակցել Հայաստանին առանց՝ Հայաստանն ինքն իրեն պաշտպանելու։

Թափթփուկից՝ խաղաղարար փոխակերպված Նիկոլը, որի շուրթերին է 5000 հայրենասերների արյունը, իր իշխանությունը կցեմենտապատի ստրկամիտ բթության ծափողջույնների ներքո։

Իր իշխանության ամենասկզբից Նիկոլը մեթոդաբար և շատ հաջող կերպով պարտադրում է (և շարունակում է պարտադրել) իր խաղը բոլորիս: Խաղը, որում հաղթելու դեպքում նա կմնա այն մարդն, ով խաղաղություն բերեց տարածաշրջան, այլ ոչ թե խղճուկ դավաճան։

Եվ միայն մեզանից՝ Հայաստանը որպես Թուրքիայի և Ադրբեջանի խամաճիկ տեսնել չցանկացողներից է կախված, որ դա նրան չհաջողվի»,- գրել է Միքայել Մինասյանը