Ձեր վստահելի աղբյուրը

Ingenuity-ն՝ Մարսի առաջին ուղղաթիռը, Երկիր է ուղարկել իր թռիչքի լուսանկարը, որը ցույց է տալիս սարքի ստվերը այդ մոլորակի վրա: Այդ մասին հայտնում է «Գազետա ռու»-ն:

Թռչող սարքից առաջին նկարը ցուցադրվել է NASA-ի մամուլի ասուլիսում: Նկարն արվել է ուղղաթիռի նավիգացիոն տեսախցիկի միջոցով, որը միշտ ուղղված է դեպի ներքև:

Ուղղաթիռը օդ է բարձրացել մոտավորապես 11.30-ին:

«Շնորհավորում եմ բոլորիդ»,-զգացմունքային կերպով ասել է Արբանյակային շարժման լաբորատորիայի նախագծի ղեկավար Միմի Աունգը՝ պատառոտելով սեղանի որոշ փաստաթղթերը, երբ իմացել է փորձի հաջողության մասին:

Հեռարձակման հաղորդավարի խոսքով՝ ուղղաթիռը հաջողությամբ ուղղահայաց բարձրացել է, սավառնել, իջնել և վայրէջք կատարել: «Սա սարքի առաջին թռիչքն է այլ մոլորակի վրա»,-ասել է հաղորդավարը:

Ուղղաթիռը մարսագնացի հետ միասին հասցվել է մոլորակ այս տարվա փետրվարին: Մարսագնացի հիմնական խնդիրներն են այնտեղ կյանքի նշանների որոնումը, երկրաբանական հետազոտությունները:

Ingenuity-ը փորձարարական սարք է, որի հիմնական նպատակը Մարսի վրա վերահսկվող թռիչքի հնարավորության ապացուցումն է: