ՊԲ-ն հերքում է, սակայն՝ «եթե հերքում եք, ուրեմն ճիշտ է»

Հասարակություն 12:43 19/04/2021 Հայաստան

Արցախի Պաշտպանության բանակն արձագանքել են ֆեյսբուքյան օգտատեր Հասմիկ Մարտիրոսյանի գրառմանը, ըստ որի Հադրութում զոհված իր քրոջորդին «Արիության» մեդալով է պարգևատրվել, սակայն մեդալը տուն է բերել տաքսու վարորդը։

ՊԲ-ից հայտնում են. «Նախ՝ նշվածը իրականության հետ որևէ աղերս չունի:
Երկրորդ՝ իրականում Ռոբերտ Կարապետյանի ոչ թե «Արիության համար», այլ՝ «Մարտական ծառայություն» մեդալը հարազատներին է հանձնել ոչ թե տաքսու վարորդը, այլ լեյտենանտ Էդգար Ապրեսյանը, որը մարտական գործողությունների ժամանակ եղել է այն ստորաբաժանմանը աջակցող դասակի հրամանատարը, որի անձնակազմի ներկայացուցիչներից է եղել Ռոբերտ Կարապետյանը:

Նախապես լ-տ Ապրեսյանը ցանկացել է մեդալը հանձնել զոհված զինծառայողի հարազատներին նրանց հարկի տակ, սակայն ծնողների կողմից մերժում ստանալուց հետո այն հանձնել է զոհված զինծառայողի շիրմաքարի մոտ վերջինիս հորը»:

ՊԲ գրառմանն արձագանքել են օգտատերերը՝ հիմնականում նշելով, որ չեն հավատում ՊԲ-ին:

«Ինչպես 44 օր ստեցիք, այնպես էլ՝ հիմա»:

«Եթե հերքում եք, ուրեմն ճիշտ է»։

«Հերթական անգամ ձեր «ոչ մի աղերս չունի»-ն արդեն հակառակ իմաստն ումի ժողովրդի համար: Գոնե տեքստը փոխեք, միգուցե նոր շարահյուսությամբ կարողանաք համոզել»:

«Այսինքն սուտ են խոսում և բարեկամները և տաքսիստը? Ինչ օգուտ ունեն կասեք, կամ ոնց կարելի է նման սուտ հորինել: Մի գուցե դուք ճշտեք ինչ է կատարվել? Ու ձեզ սխալ են զեկուցել»:

«Չափ սահման չկա սրանց լկտիությանը, վաղն էլ կասեն, որ լեյտենանտի աշխատավարձը ցածր լինելու պատճառով, կես դրույքով տաքսի է քշել»:

«Ցավոք այնքան եք ստել, որ նույնիսկ եթե հիմա ճիշտ եք, ոչ ոք ձեզ չի հավատում»։

«Պաշտպանության բանակ, իսկ ինչ կպատասխանեք նիկոլի կողմից հայտարարած բանակը վերացնելու նպատակներին»:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: