Ձեր վստահելի աղբյուրը

Իրավագիտության դոկտար, արդարադատության նախկին նախարար Գևորգ Դանիելյանը, անդրադառնալով Բաքվում ռազմական ավարի ցուցադրությանը, գրում է.

«Ռազմական ավարի այգու» գաղափարը ադրբեջանի պատմության մեջ կմնա, որպես այդ երկրի ու ազգի ամոթի անհերքելի ու անդառնալի առաջնահերթ ուղենիշ, թեպետ՝ դա բնավ եզակի դրսևորում չէ։

Նվազագույն քաղաքակրթություն ունեցող ցանկացած էթնիկ խումբ ամեն գնով զերծ կմնար այդպիսի բարբարոսությունից, կըմբոստանար էժան վարկանիշ բարձրացնելու այդ զազրելի քայլի դեմ։ Առաջին հերթին սեփական ազգային ինքնությունը նվաստացնող այդպիսի գաղափար կարող է ծագել բացառապես շեղված, հոգեկան խանգարում ունեցող անձի մոտ։

Նախապես ներողություն եմ խնդրում հոգեկան խանգարում ունեցող բոլոր անձանցից, նրանց հարազատներից, ես երբեք ինձ թույլ չեմ տա նրանցից որևէ մեկին դատապարտել, առավել ևս՝ ծաղրել։

Բայց կա ունիվերսալ իմպերատիվ իրավական հիմնադրույթ, ըստ որի՝ եթե հոգեկան խանգարում ունեցող անձը իր վարքագծով վտանգավոր է դառնում հանրության համար, պետք է մեկուսացվի և ենթարկվի հարկադիր բուժման, ընդ որում, պետք է մնա հարկադիր բուժման ներքո՝ անկախ դրա տևողությունից ...»։