Ձեր վստահելի աղբյուրը

««Ազար թաջ» լրատվական գործակալությունը, վկայակոչելով Բաքվում ԱՄԷ-ի գործերի ժամանակավոր հավատարմատարին, հաղորդել է, որ Սիոնիստական ​​ռեժիմում ԱՄԷ-ի դեսպանության բացումը տարածաշրջանում խաղաղության և զարգացման հիմք կստեղծի:

«Ազար թաջ» լրատվական գործակալությունը գրել է, որ Բաքվում ԱՄԷ-ի փոխպդեսպանն ասել է. «Ես հիացած եմ Ադրբեջանում բազմամշակութային իրավիճակով և տարբեր մշակույթների՝ միմյանց հետ շփումներով: Ադրբեջանը հարգանքով է վերաբերվում տարբեր ազգերի ու կրոների ներկայացուցիչների նկատմամբ և հարգում բոլոր կրոնների հետևորդներին: Այս հասարակության մեջ մարդկային արեժքները շատ կարևոր են»»,-գրում է իրանական Pars Today-ը։

Նշվում է, որ Բաքվում Էմիրությունների փոխդեսպանն Իսրայելի և այդ երկրի միջև ստորագրված համաձայնագրի կապակցությամբ ասել է, որ այդ քայլը կարևոր է տարածաշրջանում խաղաղության հաստատման համար և ավելի լավ ապագա է խոստանում տարածաշրջանի ժողովուրդներին և ապագա սերունդներին: Իսրայելի հետ արաբական պետությունների հարաբերություններում կիրառվել են տարբեր գործընթացներ և կարևորվել են  երկխոսությունը և շփումները:

Մինչ այժմ  ԱՄԷ-ն, Բահրեյնը և Սուդանը, պաշտոնապես հայտարարել են Իսրայելի ռեժիմի հետ իրենց հարաբերությունների կարգավորման մասին, իսկ Բահրեյնը և ԱՄԷ-ն ռեժիմի հետ կնքել են խաղաղության համաձայնագիր: Եվ հավանական է, որ այս համաձայնագրի ստորագրման գործում կարևոր դեր են ունեցել անհատները:

Արաբական որոշ երկրների և Իսրայելի միջև հարաբերությունների կարգավորման մանրակրկիտ գնահատումը  վկայում է, որ դա տեղի է ունեցել անձանց որոշումների հիման վրա, ովքեր այնքան էլ չեն վայելում ժողովրդի աջակցությունը:

Հիշեցնենք, որ Իսրայելի հետ արաբական երկրների հարաբերությունների կարգավորման միջնորդը եղավ ԱՄՆ նախկին նախագահ Դոնալդ Թրամփը։