Ձեր վստահելի աղբյուրը

«Ճշմարտություն հանուն սերունդների» նախաձեռնության հիմնադիր, քաղաքագետ Գեղամ Նազարյանը գրում է.

«Վախկոտը, հատկապես պարտության խորհրդանիշը, չի կարող ղեկավարել Հայաստանը և չպետք է ղեկավարի մեր երկիրը: Վախկոտը, պարտության խորհրդանիշը ոչ միայն երկիր, այլ նաև մարզ, քաղաք, գյուղ ու համատիրություն չի կարող ղեկավարել: Մենք արդեն տեսանք, թե ինչ ողբերգություն ու աղետ է լինում, երբ վախկոտը հայտնվում է պետության ղեկի մետ:

Եթե ոմանք դեռ կասկածում են, որ նիկոլը սովորական վախկոտ է, ապա թող նրան հարցնեն, թե ինչու հրաժարական չտվեց նոյեմբերի 10-ին կամ գոնե հաջորդ օրը: Եթե դեռ կա մի մարդ, որ կասկածում է, թե պարտության խորհրդանիշը վախկոտ է, ապա թող նրան հարցնի, թե ինչո՞ւ առաջիկա հրաժարականից հետո էլ շարունակելու է կառչած մնալ վարչապետի աթոռից, կատարելով վարչապետի պաշտոնակատարի պարտականությունները:

Մի՞թե միայն վախկոտ լինելը չէ պատճառը, որ նա իրականում հրաժարական չի տալիս: Նա վախենում է, նա սարսափում է: Նա այն աստիճան վախկոտ է, որ հրահանգում է գործից ազատել թիվ 33 մանկապարտեզի տնօրենին, որի ամուսինը անհետ կորած է: Իսկ գիտե՞ք ինչու է այդ կինն ազատվել պաշտոնից: Հենց այդ մանկապարտեզում է քվեարկելու պարտության խորհրդանիշը, մոլագար մարդասպանը:

Ասում եք վախկո՞տ չէ: Այդ դեպքում ինչու է մարզային հյուրախաղերի մեկնում գերգաղտնիության պայմաններում, իսկ ելույթի ժամանակ էլ շրջապատված է լինում մանկահասակ երեխաներով:

Վախկոտն անգամ կառավարության մի մասնաշենքից մյուսը գնում է 3 հազար 500 ոստիկանի ուղեկցությամբ, դիպուկահարների պաշտպանությամբ:

Նա այնքան վախկոտ է, որ ապրիլի 7-ին հրահանգում է ուժ կիրառել բողոքի գործողություն իրականոցնող կանանց նկատմամբ:

Իսկ կարո՞ղ է վախկոտ մարդը երկիր ղեկավարել, Հայաստանը ներկայացնել միջազգային հարթակում: Ոչ, չի կարող: և ոչ միայն չի կարող, այլ անթույլատրելի է, որ երկիրը ղեկավարի սարսափների մեջ ապրող ոմն մեկը:

Քանի օր շարունակի վախկոտը ներկայացնել Հայաստանը, մնալ վարչապետի պաշտոնում, այդքան անգամ բազմապատկվելու են մեր երկրի խնդիրներն ու հոգսերը:

Վախկոտը չի հասկանում, վախերը թույլ չեն տալիս որ հասկանա, բայց գոնե մեկը, որ նրա հետ շփվելու հնարավորությւոն ունի, պետք է ասի՝ դու այլևս չես կարող և իրավունք չունես երկիր ղեկավարել:

Վախկոտ մարդը ընդունակ է և հակված է վատ արարքների: Վախից դրդված նա կարող է սպանել, վնասել, ձերբակալելու և կալանավորելու հրահանգներ տալ, եթե նման լիազորությունով օժտված լինի: Ավելին, վախկոտը հրահանգելու է ամեն ինչ անել ընտրությունների արդյունքները կեղծելու համար կամ հակառակը՝ ամեն ինչ անել, որ այդ ընտրությունները չլինեն:

Հասկանո՞ւմ եք, գիտակցո՞ւմ եք, թե ինչ կլինի այս երկրի մնացուկների և ժողովրդի հետ, եթե ընտրություններից հետո հայտարարեն, թե նիկոլը՝ պարտության խորհրդանիշը հաղթանակ է տարել: Հասկացա՞ք, գիտակցեցի՞ք: Այդ դեպքում վախկոտին հուշեք, նրա ուսապարկերին հասկացրեք, որ մտքներով անգամ չանցնի մասնակցել հնարավոր արտահերթ ընտրություններին»։