Ձեր վստահելի աղբյուրը

ԵԽԽՎ-ում շուտով սկսվելու է մեր ռազմագերիների հարցի քննարկումը: Այս մասին ֆեյսբուքյան իր էջում գրել է ԱԺ նախկին պատգամավոր, «Եվրոպական ինտեգրացիա» ՀԿ նախագահ Նաիրիա Կարապետյանը։ 

«Մինչև քննարկման սկիզբը կցանկանայի այնուամենայնիվ մի քանի հանգամանքի վրա ուշադրություն դարձնել՝

- հարցը ձևակերպված է «Հայ ռազմագերիները, այլ պահվող անձինք և բռնի տեղահանվածները», այս վերնագրի ներքո քննարկումը կարող է գնալ բոլորովին այլ ուղղությամբ, շատ չհիասթափվեք,

- հնչելու են ընդամենը 16 պատվիրակի կարծիք, (քանի որ ելույթների համար գրանցվել են 27 հոգի, որից 6-ը Ադրբեջանից, 1-ը Թուրքիայից և 4-ը Հայաստանից), համաձայնեք, 648 պատվիրակ (324-ը ձայնի իրավունքով) ունեցող կառույցի համար, մեղմ ասած, քիչ է,

- այս ելույթները լավ հնարավորություն են սեփական անգործությունն ու պատերազմին լուռ աջակցությունը մեղմելու, և ոչ ավելի:

Կարևորը՝ չհիասթափվեք, եթե տեսնեք, որ մեր ամենանուրբ և զգայական հարցը դարձել է քաղաքական դիվիդենտների և շահարկումների թեմա:

Եվ վերջում՝ ոչ միայն ԵԽԽՎ-ն, այլև ողջ միջազգային հանրությունը պետք է դատապարտի Ադրբեջանին, սակայն դրան հասնելու համար պետք է լավ աշխատել, շատ աշխատել, անդադար աշխատել:

Ելույթ ունեցողների այս ցանկն ինձ հակառակն է հուշում:
Ափսոս»,- գրել է նա: